“Sezai Surroi”: Ekskursioni, provimet e maturës, mbrëmja...
Intervista

“Sezai Surroi”: Ekskursioni, provimet e maturës, mbrëmja...

12.May.2013 12:53
0
Nxënësit maturant të shkollës së mesme “Sezai Surroi” në Bujanoc, në fillim të këtij muaji u kthyen nga ekskursioni gjashtë ditor në qytetin e Durrësit në Shqipëri. Drejtori i këtij institucioni arsimor Zejni Fejzullahu gjatë intervistës për portalin informativ Titulli.com shpjegoi mënyrën e realizimit të ekskursionit si dhe përgatitjet që po bëhen rreth mbajtjes së provimeve, fotografimit dhe rezervimit të restorantit për mbrëmjen e maturantëve. Titulli: z. Fejzullahu, gjatë pushimit pranveror shkolla “Sezai Surroi” organizoi ekskursion me nxënësit maturantë, e mund të na thoni si ishte organizimi dhe në përgjithësi si kaloi ekskursioni? [caption id="attachment_72376" align="alignleft" width="118"]Zejni Fejzullahu, (u.d.) Drejtor i shkollës së mesme "Sezai Surroi" Zejni Fejzullahu, (u.d.) Drejtor i shkollës së mesme "Sezai Surroi"[/caption] Z.Fejzullahu: Siç jeni në dijeni, ekskursioni me maturantë u realizua prej datës 29.04.2013 deri më 04.05.2013 në qytetin e Durrësit.Në ekskursion shkuan gjithsejtë 324 nxënës, 18 profesorë, udhëheqësi i ekskursionit, drejtori i shkollës dhe mjeku. Udhëheqës të ekskursionit  ishte Vehid Vebiu, ndihmës drejtor. Ekskursioni u realizua prej datës 29.04.2013 deri më 04.05.2013 në qytetin e Durrësit. Nisja nga Bujanoci u bë në ora 06:35. Relacioni ishte Bujanoc-Prizren-Durrës. Në qytetin e Durrësit arritëm ora 18:10. Nxënësit u vendosën në hotelin ‘’Shala’’ dhe në hotele ndihmëse. Ditën e dytë vizituam qytetin e vjetër të Durrësit dhe vendet historike të tij. Ditën e tretë vizituam Tiranën dhe u njoftuam me shumë vende të rëndësishme të kryeqytetit shqiptar. Ditën e katërt vizituam qytetin e Krujës, ku patëm rastin të vizitojmë muzeun historik ‘’Gjergj Kastrioti-Skënderbeu’’. Ishte kënaqësi të vizitohej ky muze. Ndërsa ditën e pestë me plan kishim që të vizitonim Vlorën, por me kërkesë të shumicës absolute të nxënësve dhe kujdestarëve, vendosëm që  të vizitojmë disa vende me rëndësi të veçantë në qytetin e Durrësit. Dita e gjashtë ishte e fundit e këtij ekskursioni. Nisja për në Bujanoc u bë ora 10:00 nga hoteli ‘’Shala’’. Në Bujanoc arritëm ora 22:25.   Titulli: Çfarë ishte procedura e përzgjedhjes së ofertuesve, si transporti poashtu edhe i hoteleve në Durrës? Z.Fejzullahu: Më 19.04.2013 është bërë hapja e ofertave të 4 ofertuesve që kanë konkurruar. Oferta e parë ishte “Stevoni travel” e cila ofronte këto kushte: çmimi 3500 din dhe 67 euro për person, kujdestarët dhe drejtori ishin me çmim falas. Për vendosje ishte propozuar hoteli ‘’Shala’’ në Durrës. Oferta e dytë ishte ‘’Maxhari Tours’’ nga Tërnoci e cila ofron këto kushte: 95 euro për person. 15 nxënës, kujdestarët dhe drejtoria ishin pa pagesë ku harxhimet i mbulon ofertuesi. Vendosja e nxënësve ishte parapa në hotelin ‘’Ballakan’’ apo ‘’Hotel- al Albania’’ në Durrës. Oferta e tretë ishte  e agjensionit ‘’G.T. Tours’’ nga Vranja e cila ofron 105 euro për person, çdo 20  nxënës një nxënës gratis, kujdestarët dhe drejtoria gratis ekskursionin. Vendosja e nxënësve dhe personelit arsimor bëhet në hotelin ‘’Kupola’’ në Durrës. Oferta e katërt ishte e agjensionit ‘’Safir+Travel’’ nga Vranja. Çmimi për person ishte 190 euro. Më 21.04.2013 komisioni i përzgjedhur nga radhët e pleqësisë së prindërve, përfaqësuesit të parlamentit të nxënësve dhe drejtorisë së shkollës, vizitoi të gjitha hotelet dhe në vendngjarje u njoftua me kushtet e ofruara nga ofertuesit. Komisionin e udhëhoqi drejtori i shkollës. Të gjitha harxhimet e udhëtimit  i hoqën ofertuesit. Në mbledhjen e mbajtur më 23.04.2013 komplet komisioni u dakordua që të përzgjidhet hoteli ‘’Shala’’, ndërsa kontrata të nënshkruhet me ‘’Stevoni travel’’ apo ‘’G.T. Tours’’. Kontrata u nënshkrua  më 26.04.2013 me përfaqësuesin e ‘’G.T. Tours’’ Fatmir Hasani. Çmimi për nxënës është 100 euro. Në mbledhjen e këshillit të shkollës u mor qëndrim që marshuta e paraparë mund të ndryshohet  me leje të udhëheqësit të udhëheqësit të ekskursionit. Vlen të ceket se nxënësit e shkollës kanë marrë disa iniciativa për grumbullimin e të hollave për tju mundësuar shkuarja në ekskursion edhe e maturantëve me kushte më të vështira ekonomike. Është organizuar party në lokalet e shkollës, është formuar një komision nga radhët e përfaqësuesve te parlamentit të nxënësve për grumbullimin e mjeteve nga ndërmarrjet publike, shoqërore, firmat apo individët. Është organizuar shitje e ëmbëlsirave në qendër të qytetit. Shfrytëzoj rastin që përmes web portalit tuaj shumë të lexuar, t`i falënderoj të gjithë ata që në çfarëdo forme ndihmuan maturantët e shkollës sonë. Gjithçka ishte shumë transparente dhe pa asnjë vërejtje nga komplet personeli përgjegjës mbi realizimin e ekskursionit. Vlen të ceket se janë kthyer afro 245 euro nga ekskursioni, mjete të parapara për pagesën e dëmeve eventuale të shkaktuara në hotele. Kësaj radhe nuk është shkaktuar edhe dëmi më i vogël gjatë tërë ekskursionit, dmth as në hotele e as në autobusë. Përzgjedhja e hotelit është bërë me shumicë absolute nga përfaqësuesit e prindërve të nxënësve dhe përfaqësuesit të parlamentit të nxënësve, e them me plot përgjegjësi, pa ndikim nga askush tjetër. Unë kam përkrahur vendimin e tyre.   Titulli: Si vlerësoni, a ka vend për kritika për mënyrën e organizimit dhe të mbarëvajtjes së ekskursionit? Z.Fejzullahu: Sipas mendimit të udhëheqësit të ekskursionit, kujdestarëve të nxënësve si dhe shumicës së nxënësve, ekskursioni u realizua me sukses. Vërejtje gjithnjë mund të bëhen, sepse asgjë nuk është e përkryer. Vlen të përsërisim se në ekskursion ishim afro 350 persona ku qëndruam gjashtë ditë përkatësisht pesë net. Sa i përket ushqimit në racionin e mëngjesit, nuk kemi pasur vërejtje sepse ishte i stilit tavolinë suedeze ku ofronin qumësht ose çaj, vezë të ziera, marmelatë, margarinë, vezë të skuqura etj. Ndërsa darka ishte e nivelit mesatar për çka vërejtjet ishin të arsyeshme si nga drejtoria, kujdestarët nxënësit dhe organizuesi i udhëtimit. Komplet personeli arsimor kemi ngrënë të njëjtin ushqim që është përgatitur edhe për nxënës. Llojet e mishrave kanë qenë : mish viçi dhe mish pule. Për këtë jemi vërtetuar edhe me dokumentet e ofruara për llojin e mishit nga përgjegjësi i hotelit. Kontrollin e tërë ushqimit e ka bërë nënshkruesi i ofertës z. Hasani person me shumë përvojë në këtë profesion. Drejtori i shkollës nuk ka të drejtë të marrë mëditje as nga ofertuesi e as nga përfaqësuesit e prindërve të nxënësve. Në bazë të dokumentacionit mbi realizimin e ekskursionit gjatë këtij viti, lehtë mund të vërtetohet se mëditje ju takon vetëm kujdestarëve, udhëheqësit të ekskursionit dhe mjekut. Me rregulloren mbi realizimin e ekskursionit, mëditjet për personelin e cekur më lartë duhet t`i sigurojnë përfaqësuesit e prindërve të nxënësve pjesëmarrës në ekskursion.   Titulli: Maturantëve tani i kanë mbetur edhe pak ditë në bankat e shkollës, përveç përgatitjes së tyre për provimet e maturës, a janë përzgjedhur edhe ofertat e restoranteve për mbajtjen e mbrëmjes si dhe të fotografimit të tyre ? Z.Fejzullahu: Pasi të përfundojë procesi edukativo-arsimor, nxënësit do t`i nënshtrohen provimeve të maturës, përkatësisht atyre përfundimtare. Më 10.05.2013 është përzgjedhur ofertuesi për fotografimin e maturantëve. Nga katër ofertuesit, shumica absolute e përfaqësuesve të nxënësve u deklaruan se ofertuesi i përzgjedhur i tyre është “Foto Gazi” nga Gjilani. Fotografimi i maturantëve do të bëhet në Bujanoc me çmim prej gjashtë euro për person. Në çdo paralele dy nxënës do të fotografohen falas. Për mbrëmjen e maturës do të vendosim ditët në vijim. Uroj që maturantët të përgatiten sa më mirë për kryerjen e maturës dhe ata që dëshirojnë të vazhdojnë studimet, të regjistrohen në afatin e parë, ashtu që të na kthehen profesionalisht të përgatitur për të dhënë kontributin e tyre në këto hapësira./Titulli.com/copy(/home/titulli/public_html/images/image/t/uploads/2013/05/Sezai-Surroi-ekskursion.jpg): failed to open stream: No such file or directory
"Pse nuk po vjen Hashim Thaçi në Medvegjë ?"
Kamberi: Shqiptarët e Luginës po diskriminohen nga shteti
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration