Samir Ramizi në skuadrën me 10 shqiptarë që synon Superligën e Zvicrës
Viteve të fundit kemi parë futbollistë shqiptarë në shumë vende të botës, që kanë dëshmuar cilësitë, duke qenë vendimtarë në ato skuadra ku aktivizoheshin.
E në mesin e shumë vendeve, është edhe Zvicra, ku lojtarët shqiptarë, janë të shumtë.
Vlen të shikojmë skuadrën nga liga e dytë, Wohlen, që në mesin e saj, ka hiq më pak se dhjetë shqiptarë. Me fanelën me numrin 20 është edhe 23 vjecari shqiptar nga Tërnoci i Komunës së Bujanocit, Samir Ramizi.
Kjo skuadër ka regjistruar një sezon të mirë, dhe mbetet favorite për t’u inkuadruar në elitën e futbollit zviceran, ku pozicionohet në vendin e dytë.
Merita të mëdha në këtë sukses kanë edhe futbollistët shqiptarë, që aktivizohen rregullisht, në mesin e tyre edhe Ramizi. /Titulli.com/
