Salihu nga LR PDSH: Të krijojmë një politike të re unike karshi Serbisë
Shtatë subjekte shqiptare dhe një serbe (ku janë grupuar gjashtë parti) zyrtarisht garojnë për zgjedhjet lokale në Preshevë.Përplasjet mes partive shqiptare nuk janë të kohës së fundit mirëpo me afrimin e datës së zgjedhjeve ato po bëhen edhe më të dukshme e më të ashpra.
Kandidati Sami Salihu nga LR PDSh ka thënë në Rubikon të KTV-së së këto përcarja më së shumti shkojnë në favor të Serbisë.
“Ne nuk duhet shumë të fokusohemi te inatet që kemi mes vete për shkak se sfidat që i ka komuna e Preshevës janë sfida serioze. Më shumë se kujtdo tjetër, Serbisë i konvenon që Lugina të jetë e përçarë sepse ne duke mos qenë unik karshi Serbisë përball kërkesave tona që janë të shtypura nga Serbia”, ka thënë ai.
Salihu bëri thirrje për krijimin e një politike të re e unike karshi Serbisë.
