Foto: Komuna e Preshevës-kabineti
Qeveria e Serbisë me plane të reja për shqiptarët e Luginës së Preshevës
Ana Brnabiq, Ministre e Administratës shtetërore dhe vetadministrimit lokal të Qeverisë së Serbisë ka qëndruar në komunat Bujanoc dhe Preshevë ku ka zhvilluar takime me përfaqësuesit institucional lokal me të cilët ka biseduar për problemet në qeverisjen lokale.Ajo ka konstatuar se problemet në vetëqeverisjet lokale në Serbi janë të ngjashme me ato në Preshevë dhe Bujanoc ku mungojnë mjete për buxhetin komunal dhe çështje tjera, shkruan Titulli.com.
“Është bërë një hap në punësimin e shqiptarëve në institucionet shtetërore dhe do të punojmë edhe më shumë . Lidhur me tekstet në gjuhën shqipe është shembulli se është arritur një marrveshje dhe e jona është që të implementojmë atë marrveshje”, ka thënë mes tjerash Ana Brnabiq gjatëb qëndrimit në Bujanoc.
Ministrja Brnabiq është shprehur se për Këshillin Kombëtar Shqiptar do të gjendet një zgjidhje që të rritet buxheti i tij pavarësisht bojkotimit të regjistrimit të popullësisë dhe do të rritet numri i këshilltarëve në këshillin kombëtarë shqiptarë.
Ministrja Ana Brnabiq së bashku me kryetarin e Trupit Koordinues, Zoran Stankoviq kanë marrë pjesë në një konferencë me temën “Integrimi i Shqiptarëve në Luginë të Preshevës (mos) implementimi i marrëveshjeve qeveritare lidhur me Luginën e Preshevës” të organizuar nga Këshilli për të Drejtat e Njeriut në Bujanoc./Titulli.com/
