PVD-PD-LPD: Arrihet marrëveshja për listën e parë shqiptare parlamentare

PVD ka njoftuar se është arritur marrëveshja mes 3 subjekteve politike për zgjedhjet parlamentare.

Postimi i plotë në Facebook:

KOALICIONI I SHQIPTARËVE TË LUGINËS

Arrihet Marrëveshje për pjesëmarrje në zgjedhjet parlamentare

"Koalicioni i Shqiptarëve të Luginës" është emërtimi i Listës së përbashkët parlamentare i përbërë nga Partia për Veprim Demokratik, Partia Demokratike dhe Lëvizja e Progresit Demokratik, për pjesëmarrje në zgjedhjet parlamentare të 3 prillit të këtij viti.

Marrëveshja e nënshkruar sot është rezultat i bisedimeve mes subjekteve politike shqiptare si përgjigje për përfaqësim dinjitoz dhe profesional në nivelin parlamentar dhe si vazhdimësi e betejës politike për avancimin e të drejtave të shqiptarëve të Luginës së Preshevës.

Partia për Veprim Demokratik
Shërbimi për informim