PVD nominon Ragmi Mustafin kandidat për kryetar të Këshillit Kombëtar Shqiptar
Partia për Veprim Demokratik ka emëruar, Ragmi Mustafin kandidat për kryetar të Këshillit Kombëtar Shqiptar, thuhet në njoftimin e PVD-së.
Njoftimi i plotë nga Partia për Veprim Demokratik:
Ragmi Mustafi merr besimin për rikandidim për kryetar të Këshillit Nacional.
Pas konsultimeve brenda strukturave të veta Këshillit Qendror, sot, aprovoi vendimin që Ragmi Mustafi të jetë kandidati i PVD-së për zgjedhjet e Keshillit Nacional që do të mbahen më 13 nëntor.
Partia për Veprim Demokratik garon si subjekt i vetëm dhe ka nominuar listën prej 15 kandidatëve duke përfshirë strukturat nga Presheva, Bujanoci dhe Medvegja.
Me këtë rast ftojmë anëtarësinë, simpatizantët për mobilizim që bashkërisht të angazhohemi për të realizuar ambiciet legjitime politike të shqiptarëve të Luginës së Preshevës.
Bashkë fitojmë.
