Presheva për herë të parë me festime dimërore (Foto)
Presheva ka qenë gjithmonë aktive me një shumllojshmëri projektesh e programesh kryesisht të organizuar nga të rinjët. Kësaj rradhe, ky qytet i zbehtë në dukje të parë na sjell diçka ndryshe e plot jetë.Të rinjtë nga Presheva vijnë me "Presheva Winter Fest".
Ditën që do të mbahet festivali do të prezantohen DJ lokal për argëtimin e pjesmarrësve. Përveç ushqimit e pijeve, gjithashtu do të bëhet shfaqja e filmave në ambient të hapur tê përzgjedhur nga stafi i projektit humanitarë Movie Night.
"Presheva Winter Fest ka pasur shumë përkrahje nga individ e kompani të ndryshme, gjithashtu edhe nga lokalet më të frekuentuara të qytetit ku të dielën do t'i bashkangjiten festës", thuhet në njoftimin e organizatorit.
Organizatorët kanë bërë të ditur se festa është e hapur për të gjithë dhe është pa pagesë. Presheva Winter Fest do të mbahet më datën 24 janar në hapsirën mbrapa kishës në rrugën e Gjilanit./Titulli.com/
