Përkujtohet poeti Demush Berisha në Preshevë
Lokale

Përkujtohet poeti Demush Berisha në Preshevë

29.Aug.2019 11:27
0

Nën organizimin e shoqatës së shkrimtarëve Feniks dhe në bashkëpunim me bibliotekën e qytetit “Mehmet Jusufi” në Preshevë, në prani të familjarëve, miqve krijues, u mbajt Akademia Përkujtimore për poetin e ndjerë Demush Berisha.

Fillimisht me një minutë heshtje u nderua poeti i ndjerë Demush Berisha dhe më pas kryetarii shoqatës Biladh Maliqi lexoi biografinë dhe krijimtarinë letrare të Demush Berishës.

Pas çdo fjalimi pati deklamime poezish nga libri i Demush Berishës, të cilat i deklamuan: Linda Agushi, Marigona Fejzullahu dhe Ramize Halimi, pati edhe një poezi dedikuese për Demush Berishën nga poetja gjilanase Nazmije Hasani.
Në emër të drejtorit të bibliotekës të pranishmit i përshëndeti me një fjalë rasti  Hasan Hasani, organizatorë i bibliotekës.

‘’E nderuara familje Berisha, të nderuar miq dhe kolegë pranoni edhe njëherë ngushëllimet në emër të punonjësve të bibliotekës së qytetit Mehmet Jusufi.

I ndjeri Demush Berisha ishte një personalitet me virtyte të larta, pasi një jetë ai ia kushtoi kulturës dhe krijimtarisë letrare. Ndarja fizike është një proces natyrorë , por veprat e tij mbeten të përjetshme dhe udhëzues për brezat e rinj.
I ndjeri ka qenë njëri ndër bashkëpunëtorët kryesorë të bibliotekës së qytetit, pasi një kontribut të madhe e ka dhënë me botimet e tij, duke e pasuruar kështu bibliotekën Mehmet Jusufi’’, tha organizatori Hasani.

Ai po ashtu theksoi se i ndjeri Demush Berisha ishte promotor i zhvillimit të letërsisë, pasi kontributi i tij ka qenë edhe për mes librarisë ‘’Drita’’ duke mundësuar kështu një urë lidhëse autorëve vendas dhe institucionit tonë.
‘’I ndjeri edhe bisedën e rëndomtë e kishte në interpretim letrarë, pasi ndo herë insistimi i tij ka qenë që libri të jetë shok i pandarë i secilin e sidomos të rinjve . 

Biblioteka e qytetit për të ishte shtëpi e dytë pasi ai çdo ditë na vizitonte duke na inkurajuar që të vazhdojmë në rrugëtimin tonë.

Poeti Demush Berisha është ndër poetët për fëmijë që me poezitë e tij i ka qëndruar afër imagjinatës dhe botëkuptimit të tyre. 

Ndarja fizike ka ndodhur veprat e tij e bëjnë në mes nesh. I lehtë i qoftë dheu ‘’,tha në fund organizatori I bibliotekës së qytetit Hasan Hasani.

Në shenjë respekti nga biblioteka e qytetit iu nda mirënjohje për kontribut për kontributin e dhënë nga i ndjeri poetit Demush Berisha’’,

Edhe drejtori i Shtëpisë së Kulturës “Abdulla Krashnica” në Preshevë, z. Valon Nuhiu, i shprehi ngushëllime familjes Berisha në emër të institucionit të cilin e drejton.

Ndërsa pati edhe evokime kujtimesh dhe diskutime nga : Rexhep Abazi zv/ kryetar i Shoqatës, Xhemaledin Salihu, kryetar i SHTKK, Hysen Këqiku, Avni Shaqiri, Halim Hasani, nënkryetar i Shoqatës dhe Nehat Ramizi.

Në fund para të pranishmëve, në emër të familjes, me një fjalë përshëndetëse u paraqit z. Metush Berisha, i cili i falënderoi të pranishmit për pjesëmarrje në këtë Akademi për vëllain e tij dhe foli në pika të shkurtra për të ndjerin Demush Berisha.
Vlen të theksohet se Shoqata e Shkrimtarëve “Feniks” e nderon me titullin anëtar nderi poetin Demush Berisha, pas vdekjes. Mirënjohjen e pranoi vëllai i tij  Metush Berisha.

Biblioteka "Mehmet Jusufi" Preshevë
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration