Lokale
Përfaqësuesi i BIPBM-së takon Ministrin e Drejtësisë Nikola Selakoviq
Një delegacion i lartë i Rijasetit të Bashkësisë Islame në Serbi i udhëhequr nga Reis-ul-ulema, Adem ef. Zilkiq dhe përfaqësuesit e tri meshiateve: Myftiu i Sanxhakut, Hasib ef. Suloviq, myftiu nga Beogradi Muhamed ef. Jusufspahiq dhe myftiu i Bashkësisë Islame për Preshevë, Bujanoc dhe Medvegjë (BIPBM) Nexhmedin ef. Saqipi, të hënën ( 9 qershor) janë takuar me Ministrin e Drejtësisë së Republikës së Serbisë, Nikola Selakoviq.
Në një bisedë të hapur dhe miqësore ministri Selakoviq u njoftua për së afërmi me drejtuesit e tri Meshiateve nga Beogradi, Sanxhaku dhe Lugina e Preshevës, thuhet në njoftimin e lëshuar nga BIPBM, transmeton Titulli.
“Gjatë këtij takimi është diskutuar për problemet me të cilat po ballafaqohen Meshihatet, të cilat në mënyrë institucionale po mundohen t’i tejkalojnë ato”.
Sipas kumtesës së BIPBM-së, Ministri i Drejtësisë Selakoviq, ka shprehur gatishmërinë e institucionit të cilin e drejton, për ta mbështetur Rijasetin e Bashkësisë Islame të Serbisë dhe Meshihatet nga Beogradi, Sanxhaku dhe Lugina e Preshevës, në rrugën e realizmit të kërkesave në frymën institucionale, duke krijuar kushte për zhvillimin e veprimtarive fetare në mënyrë institucionale.
“Ministri Selakoviq, gjithashtu predikon zgjidhjen jo të dhunshme dhe jo të ligjshëm të problemeve për të cilat vuan jo vetëm komunitetin Islamik, por edhe shoqëria në tërësi”, thuhet mes tjerash në njoftim./Titulli.com/
Mund ti tregoni shoqërisë për këtë artikull!
