Përfaqësues të ambasadës Britanike vizitojnë komunën e Bujanocit dhe Preshevës

Përfaqësues të ambasadës Britanike në Beograd kanë qëndruar për vizitë në Bujanoc dhe Preshevë të kryesuar nga zonja Chantel Care, sekretare e parë në ambasadën e Britanisë së Madhe në Bograd është informuar për gjendjen aktuale në Luginë të Preshevës, shkruan Titulli.com. 

Kryetari i komunës së Bujanocit, Shaip Kamberi në një postim në facebook deklaroi se me zonjën Care por edhe me takimet e djeshme nga ambasada e SHBA-së është biseduar edhe për problemet e shqiptarëve të Luginës së Preshevës, dhe se rruga e vetme sipas tij është trajtimi i Luginës edhe në dialogun Kosovë – Serbi. 

Po ashtu zëvendës kryetari i komunës së Preshevës, Armend Aliu është takuar  me zonjën Care ku qëllimi i takimit ishte informimi rreth proceseve dhe zhvillimeve të vendin në Preshevë. 

“Në vazhdën e takimeve me ndërkombëtarët, sot zëvendës kryetari komunës z. Armend Aliu ka prit në takim znj. Chantel Care sekretaren e parë e Ambasadës së Britanisë së Madhe. Qëllimi i takimit ishte që miqtë tanë të mbahen të informuar rreth proceseve dhe zhvillimeve të vendin tonë. Komuna e Preshevës do të vazhdoj koordinimin me këtë ambasadë mike dhe do të jenë të mirëseardhur gjithmonë në komunën tonë”, thuhet në njoftimin e e publikuar në faqen e komunës së Preshevës./Titulli.com/