PDSH bojkoton kuvendin e Preshevës: Të sigurohen kushte dhe ligjshmëri
Lugina

PDSH bojkoton kuvendin e Preshevës: Të sigurohen kushte dhe ligjshmëri

04.Oct.2019 10:47
0

Pas incidenteve të ndodhura në seancën e pestë të kuvendit komunal të Preshevës, këshilltarët e PDSH-së kanë vendosur të mos marrin pjesë më.

Në kumtesën e lëshuar nga PDSH, një ndër shkaqet për bojkotim të kuvendit është edhe përdorimi i organeve të rendit në seanca, por dhe të sigurohen kushte dhe lighëshmëri, gjë që sipas PDSH-së nuk janë. “Përdorimi i autoriteteve të sigurimit të objektit të Komunës në rritjen e intensitetit të konfliktit me këshilltarët e opozitës, madje edhe ftuarja e organeve policore për intervenim me qëllim të largimit të këshilltarëve opozitar nga Seanca” – thuhet në kumtesë.

Kumtesa e PDSH-së

“Kryesia dhe Grupi i këshilltarëve të Partisë Demokratike Shqiptare, në mbledhjen e mbajtur, më 03.10.2019 shqyrtoi situatën e krijuar pas fjalimit të Kryetarit të Komunës, në seancën e V-të të Kuvendit komunal të Komunës së Preshevës, pas diskutimeve të pjesëmarrësve dhe arsyetimeve të mëposhtme solli:

 M O R A T O R I U M

Për mospjesëmarrjen në punën e seancave të Kuvendit komunal nga ana e Grupit të këshilltarëve të Partisë Demokratike Shqiptare, deri në momentin kur PDSH vlerëson se janë krijuar kushte për pjesëmarrje.

A r s y e t i m

- sjellja absolute vulgare e Kryetarit të Komunës së Preshevës ndaj këshilltarëve të opozitës,
- mos përgjegjësia e tij ndaj obligimeve ligjore që ka ndaj institucioneve të pushtetit lokal,
- përdorimi i gjuhës së urrejtjes, denigrimit, fyerjes, shantazhimit e linçimit ndaj autoriteteve të subjekteve politike opozitare si dhe nxitja e konflikteve ndërmjet këshilltarëve të Kuvendit komunal nga ana e Kryetarit të Komunës,
- ndërtimi i atmosferës së kontaminuar politike në Sallën e Kuvendit komunal nga ana e Kryetarit të Komunës,
- paaftësia e menaxhimit të seancave nga ana e Kryetarit të Kuvendit komunal,
- përdorimi i autoriteteve të sigurimit të objektit të Komunës në rritjen e intensitetit të konfliktit me këshilltarët e opozitës, madje edhe ftuarja e organeve policore për intervenim me qëllim të largimit të këshilltarëve opozitar nga Seanca.

Kërkesat e PDSH-së për kthim në punimet e seancave të Kuvendit komunal janë:

  1. Të sigurohen kushte dhe ligjshmëri në punën e seancave te Kuvendit Komunal në përputhje me Rregulloren, Statutin dhe Ligjin;
    2. Të respektohet shprehja e fjalës së lirë nga ana këshilltarëve të opozitës;
    3. Të dorëzoj mandatin këshilltari i zgjedhur nga lista e këshilltarëve të PDSH-së;
    4. Kryetari i Kuvendit komunal të distancohet nga veprimet e Kryetarit të Komunës;

Gjatë kohëzgjatjes së këtij Moratoriumi, Partia Demokratike Shqiptare do të veproj edhe më fuqishëm për kohë të caktuar nga pozicioni i subjektit politik jashtë institucionit të Kuvendit Komunal, duke nxjerrë në pah të gjitha parregullsitë e organeve të pushtetit aktual të dështuar lokal në të gjitha fushat e veprimtarisë së tij.

PDSH, qëndrimet dhe vlerësimet e saja lidhur me "funksionimin" e këtij pushteti lokal do t'i paraqes në konferenca për shtyp, emisione televizive dhe bashkëbisedimeve të drejtpërdrejta me elektoratin e saj, si dhe qytetarët e komunës së Preshevës” – shkruhet në komunikatën e PDSH-së.

 

Fshatrat shqiptare të Ukrainës
Salihu i përgjigjet Kamberit: Unë nuk i ftova sigurimin në punimet e kuvendit në Preshevë
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration