Pasivizimi i shqiptarëve nga regjistrat civil vazhdon edhe në Malësinë së Bujanocit
Lokale

Pasivizimi i shqiptarëve nga regjistrat civil vazhdon edhe në Malësinë së Bujanocit

23.Feb.2020 07:51
0

Ministria e Punëve të Brendshme serbe ka filluar t’i merr disa vendime të çuditshme ndaj shqiptarëve që jetojnë në Medvegjë por edhe në Bujanoc.

Në dokumentin e siguruar nga portali arbresh.info shihet se si MPB e Serbisë po i pasivizon qytetarët nga regjistrat civil.

“Pasivizohet vendbanimi i R.B në adresën Ranja Banja në Medvegjë. Obligohet i lartpërmenduri që të lajmëroj vendbanimin dhe adresën në të cilën jeton, në afat prej tetë ditësh nga koha e marrjes së këtij vendimi” thuhet në vendimin e MPB të Serbisë, dërguar qytetarit.

Ndërsa në arsyetimin e vendimit të ministrisë serbe thuhet se me datë 13.03.1989 R.B e kishte lajmëruar vendbanimin në Ranje Banje të Medvegjës, por pas verifikimit është konstatuar se nuk jeton aty.

“Pas verifikimit në teren nga ana e zyrtarëve policor të Medvegjës, vërtetohet se i njëjti nuk jeton në adresën e lartshënuar, por gjendet në Krahinën Autonome të KiM, saktësisht në Prishtinë, pa adresë të saktë të banimit” thuhet në vendim. Vendimi është marrë me 15 tetor 2015 nga drejtoria e Policisë në Leskovc , stacioni i Medvegjës.

I pyetur për këtë shqetësim të banorëve, kryetari i Bujanocit, Shaip Kamberi, ka konfirmuar lajmin për portalin arbresh.info duke thënë se një pjesë e këtyre banorëve nuk po pajisen me dokumente personale të reja nga Serbia.

“Dukuria e pasivizimit të qytetarëve nga regjistrat civil të vendbanimit, ka nisur fillimisht në Medvegjë, e së fundmi edhe fshatrat e Malësisë së Bujanocit.

Është fjala për qytetarët shqiptarë që kanë braktisur vatrat e tyre në kohën e zhvendosjes së forcave serbë nga Kosova dhe stacionimit të tyre nëpër vendbanimet shqiptare në këto komuna. Nën frikën nga forcat që kishin kryer krime në Kosovë, banorët lanë shtëpitë e tyre dhe u vendosën në Kosovë”, është shprehur ai.

Kjo dukuri rrezikon seriozisht ndryshimin artificial të strukturës së popullatës nëpër këto komuna, thotë kryetari Kamberi i cili e ka ngritur si problem edhe në parlamentin në Beograd.

 

“Një pjesë e këtyre banorëve ka mbetur pa dokumentacion valid, e sidomos ata që ndërkohë kanë mbërri moshën 18 vjeçare, nuk po pajisen me dokumentacion personal të ri. Këtë çështje e kam ngritur në parlament në Beograd, duke kërkuar nga Ministria e brendshme, për ndërprerjen e kësaj fushate.”

Në përgjigjen e marrë nga MPB, Kamberi thotë se Ministria deklaron se nuk bëhet fjalë për shlyerjen nga vendbanimi por, për pasivizim të vendbanimit, që nënkupton të drejtën e personit që përsëri të paraqesë vendbanim të ri.

 
Vuçiq: Serbia sivjet do të përballet me ultimatum rreth njohjes së Kosovës
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration