Ombudsmeni i Kosovës vizitë në Bujanoc, Arifi kërkon zgjidhje për dokumentacion në Kosovë (foto)

Ombudspersoni i Republikës së Kosovës, Naim Qelaj së bashku me bashkëpunëtorët e vet është mirëpritur sot nga kryetari i komunës së Bujanocit Nagip Arifi.

Temë diskutimi ishin sfidat, të drejtat dhe çështjet që prekin shqiptarët e Luginës së Preshevës, si dhe organizimi dhe funksionimi i shqiptarëve në administratën komunale.

Kryetari Arifi kërkoi nga avokati i popullit Qelaj që ta shfrytëzojë autoritetin e tij tek institucionet e Republikës së Kosovës për rregullimin e dokumentacioneve për qytetarët tanë që përkohësisht jetojnë dhe veprojnë në Kosovë.

Tekst i publikuar në faqen e komunës së Bujanocit në Facebook.