Nënkryetari i Kamenicës, Fatmir Matoshi u prit në takim nga Shaip Kamberi në Bujanoc

Biseda e takimit ishtë krijimi i urave të bashkëpunimit mes dy komunave, hapja e pikës kufitare në Kapi që lidhë Kamënicën dhe Medvegjën dhe tema të tjera me interes për qytetarët e dy komunave. 

Matoshie uroi Kryetarin e ri të Bujanocit për fitoren në zgjedhje dhe marrjen e detyrës së re duke uruar sukses për sfidat e shumta në sfidat që e presin.

 Kryetari i Bujanocit,  Shaip Kamberi e ka falënderuar Matoshin për vizitën dhe për vendosjen e urave të reja të bashkëpunimit në mes komunave fqinje.

“ Ne mund të fillojmë me aktivitete të përbashkëta në fushën e kulturës, por duhet të synojmë edhe projekte të përbashkëta në infrastrukturën e komunave tona” tha Kryetari Kamberi. 

Rëndësi të veçantë ju kushtua edhe  hapjes  së Pikës Kufitare në Kapi të Sficës e cila e shkurton për së paku 100 kilometra rrugën nga Bujanoci në Medvegjë.

“Kjo është një e arritur e madhe dhe do të përmirësoj dukshëm lëvizjen e banorëve të Bujanocit , Kamenicës e Medvegjës si dhe do të krijoj kushte për zhvillim më të madh të kësaj treve” tha kryetari Kamberi. 

Fatmir Matoshi  përmendi  edhe për sfidat që ka kjo trevë si pasojë e mosnënshkrimit të bashkëpunimit ndërkufitar në mes të Kosovës e Serbisë, ku komunat po humbin shumë projekte nga fondet IPA.
“Ne duhet ta ngrisim këtë problem dhe të bëhet pjesë e diskutimeve të gjëra, sepse duhet të arrijmë një zgjidhje për këtë problem, si pasojë e mosnënshkrimit të këtoij bashkëpunimi komunat tona po stagnojnë edhe në zhvillim dhe në përmirësimin e infrastrukturës. Këtë qështje duhet ta diskutojmë fillimisht me ministren për Dialog Edita Tahiri” ka thënë nënkryetari Matoshi. 

Në takim u fol edhe për gjendjen e banorëve përreth brezit kufitar e në theks të veçantë për vijën kufitare në Karaqevë, si dhe për kërkesat e vazhdueshme të banorëve të Malësisë së Bujanocit për paisje me dokumente të Republikës së Kosovës/Titulli.com/