Miratohet marrëveshja Shqipëri-Serbi, qarkullimi vetëm me letërnjoftim
Lokale

Miratohet marrëveshja Shqipëri-Serbi, qarkullimi vetëm me letërnjoftim

17.Dec.2020 08:43
0

Këshilli i Ministrave i Shqipërisë ka vendosur të miratojë marrëveshjen për lëvizjen e lirë Shqipëri-Serbi vetëm me letërnjoftime. 

Marrëveshja që shtetasit serb të futen në Shqipëri ose anasjelltas vetëm me karta identiteti (Pa pasaportë siç ka ndodhur deri më tani) u nënshkrua në nëntor mes kryeministrit Edi Rama dhe presidentit serb Aleksandër Vuçiç, gjatë takimit online për mini-Shengenin Ballkanik. 

Kryeministri Rama e cilësoi këtë marrëveshje një hap të rëndësishëm që shqiptarët të kenë lëvizje të lirë me vendet e Ballkanit.

“Në mbështetje të nenit 100 të Kushtetutës dhe të nenit 19, të ligjit nr.43/2016, “Për marrëveshjet ndërkombëtare në Republikën e Shqipërisë”, me propozimin e Kryeministrit dhe ministër për Evropën dhe Punët e Jashtme, Këshilli i Ministrave vendosi: Miratimin e marrëveshjes ndryshuese të marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës së Serbisë, për lëvizjen e ndërsjellë të shtetasve, ratifikuar me ligjin nr.10474, datë 27.10.2011, sipas tekstit që i bashkëlidhet këtij vendimi. Ky vendim hyn në fuqi pas botimit në ‘Fletoren zyrtare’”, thuhet në vendim.

Rexhepi solidarizohet me mungesën e financimit të mediave lokale në Bujanoc
Tekst nga një qytetar në Preshevë: Mungesa e spitalit për shqiptarët
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration