Mendurim Presheva: Ushtrues detyre i drejtorit të Shtëpisë së Kulturës "Abdulla Krashnica në Preshevë

Mendurim Presheva: Do të kemi teatër dhe ansambël në Preshevë

Ai në një intervistë për Portalin Infortmativ Titulli.com është shprehur se prioritet do të jetë edhe themelimi i i teatrit me aktorë vendas, bashkëpunimi me poet,  shkrimtar të cilët nuk kanë pasur përkrahje sa duhet.

“Shohë  që nuk kemi një Oktet, shohë  që  nuk kemi një  Ansambël e as një  Kinema  të  vogël për të pasur të rinjtë  për ti parë  filmat e ndryshëm. Presheva ka pasur gjithmonë aktorë  , e asnjëherë   teatër. Unë do të mundohem që shumë shpejtë  të  inicioj  procedurat  për  ti realizuar këto projekte shumë  shpejt”, ka deklaruar Mendurim Presheva. 

Tani keni marrë drejtimin e shtëpisë së kulturës, na thoni cili është numri i të punësuarve në këtë institucion dhe si e gjetët pas marrjes së detyrës?

Presheva: Po  është  e vërtetë, unë  më  9 shtator 2016 nga kuvendi  komunal jam emëruar si ushtrues detyre të Drejtorit të Shtëpisë së Kulturës “ Abdullah Krashnica ”  këtu në Preshevë. Dhe kam një staf të  punësuarve me  16  persona.
Unë pata edhe pranim dorëzimin nga drejtori i kaluar, gjë që duhet përshëndetur dhe e falënderoj dhe mund të them se unë gjeta këtë institucion në gjendje të mirë.

Cilat do të jenë planet tuaj për rritjen e funksionalizimit të këtij institucioni?

Presheva: Për të funksionalizuar një institucion duhet bashkëpunim , për realizimin e shumë projekteve në të ardhmen kam mbështetjen nga kryetari i komunës si dhe nga stafi që punojnë këtu. Së bashku besoj që do ti realizojmë projektet dhe do të rrisim funksionalizimin e këtij institucioni në të gjitha sferat.

Në fushën e kinematografisë, sa jeni të furnizuar me filma shqiptar dhe të huaj,  cili do të jetë bashkëpunimi me Shqipërinë dhe Kosovën?

Presheva: Shtëpia e Kulturës " Abdulla  Krashnica "  dikur ka pas edhe kinotekën e vet ku kanë  transmetuar filma të  huaj dhe filma Jugosllav, të gjitha këto me shirit filmik.  Sot ata filma janë  jashtë përdorimit si dhe pajisjet përkatëse. Për momentin kinoteka nuk është  funksionale dhe nuk transmetohen filma as shqiptar as të huaj por posedojmë  cd dhe dvd  të  filmave shqiptar dhe të  huaj të cilat i ka dhënë  videoteka." Aga "  nga vullneti i mirë  që  të  mund të  transmetohen dhe të  shihen këto filma  nga publiku i Preshevës. Në  plan është të  rikthehet edhe kino në  Shtëpi të  Kulturës  duke u pajis me pajisje dhe filma shqiptar dhe të huaj. 

Çfarë do të jetë bashkëpunimi i juaj me artistë, poet, shkrimtarë  lokal?

Presheva: Normalisht se bashkëpunimi mes meje dhe artistëve preshevarë do të jetë shumë i madh, duke e ditur se Presheva  gjithmonë  ka pasur  artist të shquar , poet dhe shkrimtar, por nuk kanë pasur  bashkëpunim  këtu në  Preshevë,  por emri i tyre është  përmendur  shumë, jo në  Preshevë  po jashtë Presheve. Unë  nuk do  të merrem me atë  pse s’ka pasur bashkëpunim, por  unë  ju garantoj juve  se puna  primare e imja është bashkëpunimi  me ta,  nga se e dimë  se të  gjithë  këta  që u përmendën dëshira e tyre e madhe është që  të  kontribuojnë  në  vendin e tyre, në  Preshevën e tyre, e unë  tani  u premtoj se këtu në  Institucionin tim që  e drejtoj  e kanë  vendin e duhur për bashkëpunim. Lajmi i parë që do tua them juve është se ditën e Premte jemi akorduar me aktorët preshevar që në festivalin  “ Ditët e komedisë Shqiptare” do ta kemi edhe ne shfaqjen tonë me aktorët preshevar. Jam i gëzuar që bashkëpunimi filloi për së mbari dhe mbesë me shpresë që ky do të jetë vetëm fillimi i bashkëpunimit. 

Presheva deri më tani ka organizuar festivale të ndryshme edhe me karakter kombëtarë, ju do vazhdoni me organizimet e tilla dhe a do veproni diçka më ndryshe?

Presheva:  Vendi jonë  ka pasur disa organizime edhe më  herët, por për mendimin tim kohën e fundit nuk ka pas edhe aq organizime për  tu mbajtur në mend. Unë përmenda edhe më lart se  këtu  kam  një  staf që  do të  bashkëpunojmë  rreth organizimeve , planifikimeve dhe realizimeve të  projekteve  që  do ti bëjmë  së bashku. Unë  do të  mundohem  të  kem programe  me karakter kulturor dhe artistik. Shohë  që nuk kemi një Oktet, shohë  që  nuk kemi një  Ansambël e as një  Kinema  të  vogël për të pasur të rinjtë  për ti parë  filmat e ndryshëm. Presheva ka pasur gjithmonë aktorë  , e asnjëherë   teatër. Unë do të mundohem që shumë shpejtë  të  inicioj  procedurat  për  ti realizuar këto projekte shumë  shpejt, që të kemi teatrin tonë me aktorët preshevarë  për  tu prezantuar në  të ardhmen e afërt nëpër festivale të ndryshme. Do të ketë hapësirë edhe për organizime që kane karakter edhe etnik,  pasi jetojmë  në një  vend ku nuk jemi  vetëm një  komb, dhe pres bashkëpunim  edhe  me etnitetet e tjera./Titulli.com/