Mbetet shqetësuese migrimi i shqiptarëve nga Lugina e Preshevës
Kryetari i Këshillit Kombëtar Shqiptar, Jonuz Musliu, ka thënë se nuk ka asnjë përmirësim në jetën e shqiptarëve në Luginën e Preshevës.Musliu ka thënë për “Epoka e re” se shqetësues mbetet migrimi i shqiptarëve nga Lugina dhe se se urgjentisht bashkësia ndërkombëtare duhet të intervenojë për realizimin e të drejtave të shqiptarëve.
Ai është shprehur i zhgënjyer me dinamikën e shteteve shqiptare karshi shqiptarëve në Serbi por dhe se Kosova e Shqipëria duhet ta kthejnë vëmendjen te Lugina e Preshevës.
Ai ka kërkuar nga Qeveria e re e Kosovës të bëjë më shumë për Luginën e Preshevës dhe për shqiptarët.
Po ashtu, Musliu u ka bërë thirrje institucioneve të Kosovës që në dialogun e Brukselit të përfshihet edhe Lugina e Preshevës.
