Lokale
Malet e Bujanocit në flakë
Njësia zjarrfikëse e Bujanocit mbi 24 orë në luftë me zjarrin, në ndihmë edhe zjarrfikës nga Vranja.
Një zjarr i madh që është përhapur në malet mbi liqenin e Bujanocit (Jezera) po vazhdon nga dita e djeshme.
Njësia zjarrfikëse nga Bujanoci që nga ora 14h e së premtes nuk ka arrit ende që të vendosë zjarrin nën kontroll.
Në ndihmë i erdhi edhe njësia nga Vranja. Cvetkoviq, personi kujdestarë i njësisë së zjarrfikësve në Bujanoc, i tha Titullit se zjarrfikësit do të jenë ende në vend të ngjarjes dhe se deri në orën 16h nuk kanë arritur që zjarrin ta vënë nën kontroll.
“Njësia jonë së bashku me atë të Vranjës janë në vendin e ngjarjes që nga ora 14h e ditës së djeshme. Për momentin nuk mund të japim informacione për dëmet dhe hapësirën që kanë kapluar flakët”, tha Cvetkoviq.
Ky zjarr që ka përfshirë këtë pjesë të maleve është më i rrezikshmi që ka ndodhë këtë verë në territorin e komunës së Bujanocit./Titulli.com/
Mund ti tregoni shoqërisë për këtë artikull!
