Lutfiu pritet në Beograd nga ambasadori i OSBE-së Braathu: Zbatimi i Planit Shtatëpikësh
Nevzad Lutfiu, kryetar i Këshillit Kombëtar Shqiptar ka takuar në Beograd ambasadorin e OSBE-së në Serbi, Jan Braathu, transmeton Titulli.com.
Diskutuam për sfidat në arsimin shqip, për mosnjohjen e diplomave dhe në përgjithësi për gjendjen e shqiptarëve në Serbi. Do t’i mbajë të informuar të gjithë miqtë tanë ndërkombëtar me zhvillimet në Luginë", ka shkruar pas takimit Lutfiu.
Ambasadori Braathu ka uruar Lutfiun për emërimin e tij në postin e kryetarit të KKSH-së.
"Misioni i OSBE-së në Serbi është një partner i komunitetit shqiptar në Serbi, që mbron zbatimin e Planit Shtatëpikësh dhe realizimin e të drejtave të pakicave brenda kornizës kushtetuese të Serbisë, dhe është i gatshëm të ofrojë çdo mbështetje trajnimi bazuar në nevojat e Këshillit Kombëtar Shqiptar./Titulli.com/
