Lokale
“Lugina nuk ka nevojë për lëmoshë”
Lëvizja “Vatra” ndien indinjatë të thellë me shumën simbolike që është ndarë, apo që janë zotuar të japin qeveritë e dy shteteve, “gjoja” për zhvillimin ekonomik të Kosovës Lindore.
“Pyesim dy kryeministrat e dy shteteve amë çfarë zhvillimi ekonomik mund të bëhet me këto para të premtuara”, shkruan e indinjuar në njoftimin për opinion Lëvizja “Vatra” me seli në Gjilan.
“Ju të nderuar pushtetarë të Shqipërisë ndatë rreth 400.000 € për një park të Graçanicës, ndërsa për zhvillimin e Preshevës, Bujanocit dhe Medvegjës ndahen nga 50.000€. Vallë a do të plotësohen nevojat apo kërkesat e kësaj pjese me këtë shumë simbolike që Ju keni ndarë?”, pyet e shqetësuar “Vatra”.
Kjo Lëvizje që rreth vetes mbledhë shqiptarët e shpërngulur nga Lugina e Preshevës thotë se “të gjithë kanë besuar që dy shtetet do të ndajnë një fonde të dinjitetshëm e jo një shumë minore si kjo që kanë ofruar dy qeveritë Shqiptare, që më shumë ngjanë në lëmoshë se sa një fondi zhvillimorë”/Titulli.com/
Mund ti tregoni shoqërisë për këtë artikull!
