Lugina e Preshevës nuk pret ndikim edhe në politikën lokale nga takimet e dy qeverive në Tiranë

Edi Rami gjatë fjalimit të tij përmendi historikun e marrëdhënieve ndërmjet dy vendeve dhe ngjarjet nëpër të cilat kanë kaluar shqiptarët përgjatë historisë më të re nëpër të gjitha trojet etnike.

Ndërsa Rama duke folur për pozitën e serbëve në Kosovë ai bëri një krahasim me pozitën e shqiptarëve në Luginën e Preshevës, shkruan Titulli.

“Në fakt problem do të ishte sikur serbët të mos kishin vende por kur i kanë dhe i lënë është problemi i tyre. ndërkohë që ata nuk janë aty qeveria e Kosovës është në krye të detyrës për të plotësuar të gjitha detyrimet që parashikon marrëveshja serbe në Kosovë. Prandaj është e natyrshme që të ndodhë e njëjta gjë për shqiptarët në Luginën e Kosovës”, është shprehur Edi Rama.

Sipas tij në këtë kuadër nuk ka asnjë krahasim mes qeverisë Kosovë-Serbi që njëra qeveri i respekton maksimalisht të drejtat e minoritarëve dhe tjetra jo.

Aktivisti i shoqërisë civile në Preshevë, Valon Arifi në një prononcim për Titullin takimin e sotëm mes dy qeverive e sheh të suksesshëm dhe në interes të të dyja palëve, ndërsa mendon se të dyja qeveritë, veçanërisht ajo e Shqipërisë duhet ti qaset edhe më shumë problemeve të shumta që kanë qytetarët në Preshevë e e Bujanoc.

“Kaluan gati një vit që kur po këto dy qeveri financuan në mënyrë modeste hapjen e maternitetit në Luginë të Preshevës dhe një gjë e tille ende s’ka ndodhur. Une mendoj që edhe politika lokale në Luginë është treguar tejet dekonstruktive karshi Qeverisë Shqiptare”, tha Arifi.

Airif thotë se derisa këto mbledhje mes Shqipërisë e Kosovës, mundë të llogaritet storie suksesi, ndikimin e tyre në Luginë të Preshevës ende nuk e sheh serioz.

Kjo ishte mbledhja e dytë e përbashkët mes qeverisë së Shqipërisë dhe Kosovës ku edhe u nënshkruan marrëveshjeve mes dy vendeve që u vlerësuan në interes të qytetarëve./Titulli.com/