Libri “Korrigjimi” i Kufirit Kosovë-Serbi dhe “Bashkimi” i Luginës së Preshevës me Kosovën edhe në formatin elektronik
Lokale

Libri “Korrigjimi” i Kufirit Kosovë-Serbi dhe “Bashkimi” i Luginës së Preshevës me Kosovën edhe në formatin elektronik

28.Apr.2020 09:09
0

Libri “Korrigjimi” i Kufirit Kosovë - Serbi dhe “Bashkimi” i Luginës së Preshevës me Kosovën!, shkruar nga Akademik Hivzi Islami dhe Prof. dr. Arsim Ejupi, (Një elaborim analitik-shkencor), është thirrja me serioze shkencore e dijetarëve në Kosovë qe të ndalen daullet dhe fjalët për cënimin e tërësisë territoriale të Kosovës.

Diskursi më i neveritshëm dhe më i tensionuar për ndryshimin e kufijve midis Kosovës e Serbisë dhe “përkufizimit midis shqiptarëve dhe serbëve” si ide dhe plan i vjetër serb, me pasoja shumë të dëmshme për pavarësinë, sovranitetin shtetëror dhe integritetin territorial të Kosovës deri në zhbërjen e tyre, e përshkoi veçanërisht gjysmën e dytë të vitit 2018! Ndarja territoriale-etnike e Kosovës dhe “përkufizimi midis shqiptarëve dhe serbëve” (ideja nga Qosiqi e viteve të 60-ta deri Vuçiqi i sotëm) deri te “Konfederata” e Kosovës me Shqipërinë apo “bashkimin” e tyre sot (Hashim Thaçi) do të shënonte mosekzistimin e Kosovës si shtet i pavarur dhe sovran, sikundër që copëtimi i Luginës do ta fshinte atë si entitet territorial-politik. Këto janë qëllimet themelore të Serbisë që nga fundi i viteve të 60-ta të shekullit të kaluar.

Nga elaborimi i të gjitha dimensioneve gjeohapësinore, gjeopolitike dhe etnodemografike, sasinë dhe cilësinë e resurseve, rezulton përfundimi se me ndarjen e Kosovës dhe copëtimin e Luginës, me kusht që të merrej edhe hekurudha dhe autostrada (Korridori 10), humbëse janë Kosova dhe Lugina, ndërkaq fitues del vetëm Serbia, madje me vetë idenë dhe nismën e “korrigjimit” të kufirit; fituesi i dytë natyrisht është mikja e Serbisë, Rusia. Prandaj, është trishtuese të preken kufijtë ekzistues. Sipas sondazheve të bëra në Kosovë këto kohët e fundit, së paku 90% e qytetarëve të saj, shqiptarë, serbë e të tjerë, e kundërshtojnë “korrigjimin” e kufirit, ndërsa kundër është gjithë spektri politik i Kosovës.

Përveç formatit fizik tani e tutje libri i ofrohet publikut edhe në formatin elektronik. Kjo është bërë e mundur falë punës së palodhshme të shtëpisë botuese “Klubi i Poezisë” nga Tirana. Të gjithë të interesuarit librin mund ta gjejnë duke klikuar në linqet si më poshtë.

Ky tekst është shkruar nga autorët e librit dhe përbën një pjesë të brendësisë.

https://www.smashwords.com/books/view/1017321

https://books.apple.com/ca/book/korrigjimi-i-kufirit-kosov%C3%AB-serbi-dhe-bashkimi-i-lugin%C3%ABs/id1509825468


https://www.barnesandnoble.com/ë/korrigjimi-i-kufirit-kosove-serbi-dhe-bashkimi-i-lugines-se-presheves-me-kosoven-hivzi-islami/1136917077?ean=2940164050504



https://www.kobo.com/ca/en/ebook/korrigjimi-i-kufirit-kosove-serbi-dhe-bashkimi-i-lugines-se-presheves-me-kosoven



https://www.lafeltrinelli.it/ebook/hivzi-islami/%E2%80%9Ckorrigjimi%E2%80%9D-i-kufirit-kosoveserbi-dhe/9780463317006



https://books.mondadoristore.it/Korrigjimi-Kufirit-Arsim-Ejupi-Hivzi-Islami/eae978046331700/

 

Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration