Kurti e Kamberi flasin për një universitet në gjuhën shqipe në Bujanoc
Lugina

Kurti e Kamberi flasin për një universitet në gjuhën shqipe në Bujanoc

06.Nov.2019 08:55
0

Kryetari i Lëvizjes Vetëvendosje, Albin Kurti, ka pritur në takim kryetarin e Komunës së Bujanocit, Shaip Kamberi, të shoqëruar nga Shefi i Zyrës për Zhvillim Ekonomik në këtë komunë, Agron Islami.

Kamberi, sipas njoftimit të VV-së, ka shprehur dëshirën që institucionet shtetërore të formohen sa më parë, në mënyrë që qeveria e re t’ia fillojë punës për ndryshimet që qytetarët e Kosovës kanë votuar.

Kurti e njoftoi Kamberin se prioritet i qeverisë së re do të jetë shtetndërtimi demokratik që siguron progres socio-ekonomik për gjithë qytetarët e Republikës, pa dallim.

Duke diskutuar për zhvillimet në Luginë e Bujanoc, në këtë takim u theksua nevoja e angazhimit më të madh të institucioneve të Kosovës dhe Shqipërisë për shqiptarët atje. “U fol për nevojën për universitet në gjuhën shqipe në Bujanoc, për fondin e përbashkët të Shqipërisë dhe Kosovës për Luginën e Preshevës të miratuar para gati 6 vjetësh, gratë shqiptare që për të lindur shkojnë nga Bujanoci në Vranjë meqenëse materniteti i famshëm në Preshevë është jashtëspitalor etj”, thuhet në njoftimin e LVV-së.

Në përfundim të takimit, u shpreh gatishmëria për bashkëpunim të ngushtë në të ardhmen.

copy(/home/titulli/public_html/images/image/lbini%20kamberi.jpg): failed to open stream: No such file or directory
Gjendet violina 310-vjeçare e harruar në një tren
Trump: Kartelet meksikane të drogës të fshihen nga faqja e dheut
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration