Kryetarja e Preshevës përshëndet vendimin për hyrje-dalje pa 3 vaksina në Kosovë

Kryetarja e komunës së Preshevës, Ardita Sinani, ka reaguar në lidhje me propozim-vendimin e fundit që të merren masa lehtësuese në lidhje me masat anti-COVID në Kosovë.

Sinani ka bërë të ditur se është njoftuar sot nga ministri i Shëndetësisë në Kosovë, Rifat Latifi, se për hyrje-dalje në Kosovë nuk nevojitën më tri vaksina dhe as test PCR me dy doza.

“Uroj që ky propozim i sotëm të bëhet nesër vendim. Falënderoj autoritetet e Kosovës që kanë marrë parasysh adresimin e shqetësimit tonë si Komunë e Preshevë”, ka shkruar Sinani në llogarinë e saj në Facebook.

Kujtojmë se njëra ndër masat më të kritikuara të qeverisë, ka qenë ajo hyrje-daljeve në Kosovë, ku autoritetet vendase kërkonin që të gjithë ata që hyjnë në Kosovë t’i kenë të tri dozat e vaksinës, ose dy doza dhe test PCR negativ.