Konstituohet Kuvendi i Serbisë, opozita thotë se nuk ka paralement
Lokale

Konstituohet Kuvendi i Serbisë, opozita thotë se nuk ka paralement

04.Aug.2020 07:05
0

Në Serbi është bërë konstituimi i përbërjes së re të kuvendit.

Derisa seanca po mbahej, dhjetëra njerëz protestuan para ndërtesës së kuvendit, duke brohoritur se kjo legjislaturë nuk ka legjitimitet.

Kritikët dhe grupet e të drejtave të njeriut e akuzojnë presidentin serb, Aleksandar Vuçiç, për shkelje të demokracisë së Serbisë duke ushtruar një ndikim të madh në institucionet shtetërore dhe mediat.

Opozita e Bashkuar e Serbisë gjithashtu tha se që nga 3 gushti, Serbia “zyrtarisht nuk ka parlament” sepse 250 parlamentarët e rinj nuk u zgjodhën në mënyrë ligjore.

Vuçiç ka mohuar në mënyrë të përsëritur ndërhyrjen në votime, duke thënë se kundërshtarët e tij kanë pak mbështetje popullore.

Me betimin e deputetëve, fillon afati prej 90 ditësh për formimin e Qeverisë së re.

Në zgjedhjet parlamentare në Serbi, lista e presidentit serb, Aleksandar Vuçiç, ka fituar më së shumti vende – 188 nga gjithsej 250.

Lista e Partisë Socialiste të Serbisë – Serbia e Bashkuar ka 32 deputetë, dhe Lidhja Patriotike Serbe (SPAS) 11 vende.

Katër parti të pakicave kanë siguruar ulëse në Kuvend.

Lidhja e Hungarezëve të Vojvodinës ka fitur nëntë deputetë, Lista e Muamer Zukorliq do të ketë katër deputetë, ndërsa SDA e Sanxhakut dhe Alternativa Demokratike Shqiptare – Lugina e Bashkuar kanë nga tre vende secila.

Zgjedhjet e përgjithshme janë mbajtur më 21 qershor./REL/

Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration