Komuna shpallë kioskun "Rilindja" simbol të informimit në Luginë të Preshevës
Komuna e Preshevës e ka shpallur kioskun e shtëpisë botuese "Rilindja" simbol të gazetarisë dhe informimit të së kaluarës së Luginës së Preshevës.
Kiosku është vendosur në oborrin e Shtëpisë së Kulturës "Abdullah Krashnica" në Preshevë dhe do të jetë në dispozicion të vizitorëve.
"Kiosku në fjalë n'a përkujton dhe distributorin e së përditshmes "Rilindja" Zeqirja Ejupin - Zeqën, i cili u përkujdes disa decenie që "Rilindja" të mos mungoj asnjëherë", thuhet në njoftimin e komunës së Preshevës.
Sipas këtij njoftimi gjithashtu thuhet se përveç qytetarëve të komunës nga ky kiosk, gazeta "Rilindja" blihej edhe nga kumanovarët, sidomos nga nxënësit dhe profesorët e shkollës së mesme, që frekuentonin Qendrën arsimore "Skënderbeu".
