Komuna e Bujanocit paguan afro 7000 euro kompenzim për vërshimet
Komuna e Bujanocit përmes nj♪7 njoftimi të publikuar në Facebook ka njoftur se ka paguar 850.250 dinarë për kompenzim të dëmeve që janë shkaktuar nga vërshimet.
Njoftim i plotë në Facebook nga komuna e Bujanocit:
Kryetari i Komunës së Bujanocit sot ka kryer ekzekutimin prej 850.250,00 dinarëve për kompenzimin e dëmeve në bujqësi gjatë vërshimeve që kapluan komunën tonë në fillim të muajit janar të këtij viti. Kjo pagesë është kryer pas aplikimit për kompenzim të dëmeve nga ana e bujqëve, si dhe pas verifkimit të dëmeve nga ana e komisionit komunal.
Dëmet e shkaktuara nëpër shtëpi do të kompenzohen menjëherë kur Zyra për Menaxhimin e Investimeve Publike e Qeverisë së Republikës së Serbisë të transferojë mjetet e parapara për dëmet e shkaktuara nga vërshimet.
Kujtojmë, që një shumë prej 200.000,00 euro janë ndarë nga ish Qeveria e Republikës së Kosovës për kompenzimin e dëmeve të shkaktuara nga vërshimet e janarit.
