Komuna e Bujanocit mirëpret nxënësit e dalluar të gjimnazit "Sezai Surroi" në Bujanoc (foto)

Kryetari i komunës sv Bujanocit, Nagip Arifi ka pritur 3 nxënësit e dalluar të gjimnazit "Sezai Surroi" në Bujanoc.

Ana Mustafa, Florent Latifi dhe Dren Aliu janë tre nxënësit që në garat rajonale të lëndës së fizikës të mbajtura në Vranjë më 27 Prill të këtij viti fituan vendet e para.

"Ishte kënaqësi që sot të mirëpres nxënësit e dalluar të gjimnazit "Sezai Surroi", të cilët me suksesin e tyre po na bëjnë krenarë", ka shkruar Arifi në Facebook.

"Një pjesë të suksesit të tyre i atribohet edhe profesorëve të fizikës Vjollca Rexhepi dhe Baki Rexhepi, si dhe drejtorit të gjimnazit Zejni Fejzullahu", shkori Arifi.

Përfaqësueseit e komunës kanë vlerësuar se do të vazhdojë të punojë në ngritjen e cilësisë në arsim dhe është gjithnjë në mbështetje të nxënësve të dalluar.