Lokale
KKSH ndryshon kryetarët e Komisioneve
Këshilli Kombëtar Shqiptar (KKSH) në seancën e zhvilluar të mërkurën ka bërë ndryshimin në Komisionin për përdorimin zyrtar të gjuhës dhe shkrimit dhe kryetarin e Komisionit për arsim parashkollor, fillor dhe të mesëm.
KKSH me seli në Bujanoc, në vend të Nasim Rexhepit për kryetar të Komisioni për përdorimin zyrtar të gjuhës dhe shkrimit shqip ka emëruar Ismail Pajazitin dhe në vend të Zejni Fejzullahut për kryetar të Komisioni për arsim parashkollor, fillor dhe të mesëm ka zgjedhë Agim Hasani.
Sipas kumtesës së lëshuar, ky organ ka vlerësuar punën e dy kryetarëve të shkarkuar për një kontribut ndaj këtij institucioni, por me që kanë shkelur rregulloren e KKSH-së dhe kanë refuzuar të aplikojnë ligjin për këshillat kombëtare të pakicave nacionale jashtë këtij institucioni, KKSH ka miratuar edhe këto vendimi duke lënë hapësire që me këto ndryshime në këto Komisione të vazhdojnë punën në tejkalimin e sfidave që ballafaqohet dhe realizimin e qëllimit të këtij institucioni.
Në këtë mbledhje është shqyrtuar edhe plani i të hyrave dhe shpenzimeve nga fondet e Buxhetit të Republikës së Serbisë.
“Duke pasur parasysh, vonesat në planifikimin e planit financiar vonesa këto të shkaktuara nga mos transferimi i mjeteve financiare nën arsyetimin se “shqiptarët nuk kanë marrë pjesë në regjistrimin e popullsisë në Republika e Serbisë”, mjetet për funksionimin e këtij institucioni janë pothuajse përgjysmuara në krahasim me vitin e kaluar dhe janë të pa mjaftueshme për një funksionim optimal sipas standardeve dhe ligjit që kërkon”, sqaron KKSH në kumtesë.
Gjatë kësaj mbledhje ndër të tjera të pranishmit janë njoftuar edhe me mbi vendimet e Ministrisë së arsimit, shkencës dhe zhvillimit teknologjik për shkollat fillore dhe të mesme në komunën e Bujanocit dhe Preshevës./Titulli.com/
Kumtesa e KKSH-së
Mund ti tregoni shoqërisë për këtë artikull!
