KDNJ: Marrja në pyetje e qytetarëve, veprim klasik selektiv, politik dhe jolegjitim

Duke e dënuar çdo nxitje të shprehjes së gjuhës së urrejtjes; KDNJ rikujton se në Serbi, vazhdimisht kemi raste të nxitjes dhe të përdorimit të gjuhës së urrejtjes mbi baza kombëtare, racore dhe fetare; veçmas ndaj komunitetit shqiptar. E kjo jo vetëm nga mediat e caktuara dhe në rrjete sociale të komunikimit masiv, por edhe nga zyrtarët shtetëror.

"Së fundi; shprehje të tilla të gjuhës së urrejtjes mbi baza kombëtare janë dëgjuar në mënyrë masive dhe sinkronizuese në ndeshjen futbollistike midis përfaqësueses së Serbisë dhe Shqipërisë në Beograd më 14.10.2014, nga ana e dhjetëra mijëra tifozëve vendorë; por edhe në po të njëtin Bujanoc, nga ana e qytetarëve të kombësisë serbe, pas ndeshjes Shqipëri-Serbi më 08.10.2015. Megjithëkëtë, organet përgjegjëse shtetërore nuk ndërmorrën asnjë veprim serioz ligjor", thuhet nw reagimin e KDNJ-së, transmeton Titulli.com.

Për më tepër, Këshilli për të drejtat e njeriut vlerëson se ndërhyrja e qeverisë në punën e drejtësisë dhe të policisë; lidhur me procesin përkatës, është reflektuar edhe me deklaratën publike të Ministrit të Punëve të Brendshme të Republikës së Serbisë, z.Nebojsha Stevanoviq, më 13 tetor 2015; ku e paralajmëroj personalisht ngritjen e aktakuzës.

Këshilli për të Drejtat e Njeriut me seli në Preshevë konsideron se logjika e veprimit me metoda të tilla selektive, në emër të shtetit ligjor, janë pikërisht në funksion të kundërt dhe shërbejnë vetëm se për realizimin e synimeve të caktuara politike. /Titulli.com/