Lokale
Kamberi: Shqiptarët nuk duhet përjashtuar nga puna
Anëtarë dhe përfaqësues politik të Partisë për Veprim Demokratik në Bujanoc në një mbledhje të mbajtur kanë diskutuar zhvillimet e fundit politike në Luginë dhe situatat e krijuara nëpër shkollat shqipe pas emërimeve të këshillave të përkohshëm.
Shaip Kamberi, kryetar i degës së PVD-së në Bujanoc situatën politike e paraqiti të vështirë duke ritheksuar edhe njëherë se përjashtimi i shqiptarëve nga puna nuk është rrugë e mirë dhe se duhet ndalen kritikat e hapura ndaj PVD-së.
Përveç këtyre temave që u shpalosën, nëndega e PVD-së diskutoi edhe për çështjet organizative të kësaj partie duke vlerësuar se duhet punohet më shumë që t’i qasen problemeve të krijuara në terren.
Ndërsa kryetari i nëndegës së Partisë për Veprim Demokratik në Bujanoc, Hajrush Maksuti deklaroi se shumë të rinj po i afrohen dhe se programi i tyre politik po inkurajon shumë njerëz në rrugën e përbashkët të zhvillimit dhe realizimit të qëllimeve të tyre./Titulli.com/
Mund ti tregoni shoqërisë për këtë artikull!
