Haziri: S'ka forcë politike që e ndalon çështjen e Luginës së Preshevës nga bisedimet Kosovë-Serbi

Nënkryetari i LDK-së, Lutfi Haziri, ka thënë që s'ka forcë politike që e ndalon, apo që e heq çështjen e Luginës së Preshevës nga tavolina.

Ai në televizionin klanKosova është shprehur se nuk mundet dikush mu largua nga ky rast historik për këtë rajon që është anashkaluar edhe nga Kosova e Serbia, transmeton Titulli.com.

“Shqiptarët e Luginës së Preshevës që jetojnë në Kosovë janë pasojë e luftës dhe e kanë paguar koston e tyre”, theksoi Haziri.

Sipas tij shqiptarët e Luginës së Preshevës e kanë dritën e gjelbër me hy në BE edhe 5 vjet ndërsa tani po kërkojnë të jenë pjesë e Kosovës që duhet me prit edhe shumë vite që të jenë anëtarë të BE-së.

Haziri tha se ka pasur thirrje në Prishtinë që ata të shkojnë të zgjidhin problemet në Beograd por sipas tij  është mëkat historik nëse Kosova për motive politike lejon që e drejta e bashkimit të Luginës së Preshevës me Kosovën të mos realizohet tash./Titulli.com/