Lokale
“Gratë përparojnë”, angazhohen për avancim të bizneseve
Në press qendrën e komunës së Bujanocit është mbajtur konferencë shtypi kushtuar formimit të shoqatës së grave afariste.
Në kuadër të projektit të bashkëpunimit Evropian “Gratë përparojnë” në ndërtimin e kapaciteteve në nivel lokal, për balance gjinor në rrjedhat ekonomike, sot janë mbledhur në konferencë shtypi gratë afariste nga komuna e Bujanocit.
Në këtë takim, në përkrahje të themeluesve të shoqatës morën pjesë edhe homologet e tyre në nivel të Republikës së Serbisë, drejtuesit e Zyrës për Zhvillim Ekonomik Lokal, si dhe kryetari i komunës së Bujanocit, raporton TV Spektri.
Me këtë rast është theksuar domosdoshmëria e avancimit biznesor kur është në pyetje gjinia e bukur.
Menaxherja e projektit “Shoqata e grave afariste të Serbisë”, Ollivera Pantoviq, ka uruar të gjitha gratë e angazhuara në këtë shoqatë ndërsa për përkrahje ka falënderuar edhe kryetarin e komunës.
Arifi me këtë rast është shprehë se shoqata e themeluar gjithnjë do të ketë përkrahjen e pushtetit lokal duke e përkrahur në projekte konkrete.
Kryetarja e shoqatës së grave afariste në Bujanoc, Fazilla Azemoviq, ka shpalosur statistikat, të cilat sipas saj nuk tregon një pasqyrë të mirë sa i përket grave dhe punësimit të tyre në këtë komunë.
“Nga numri i përgjithshëm i të punësuarve gjithësejt kemi 30 për qind gra, ndërsa nga numri i përgjithshëm i të papunëve në komunë të Bujanocit gjithësejt kemi 49 për qind që i përkasinë gjinisë femërore”, u shpreh Azemoviq.
Adelina Bruçaj-Hasani, nënkryetare e shoqatës së grave afariste të Bujanocit, në këtë konferencë tha se kjo shoqatë ka qëllime të caktuara për gratë afariste dhe kanë filluar bizneset e tyre të mesme dhe të vogla.
“Ne si shoqatë do t’i inkurajojmë të gjitha gratë të kenë besimin e tyre të plot dhe si pronare të zgjerojnë bizneset e tyre ndërmarrëse”, u shpreh Adelina Bruçaj-Hasani .
Në kuadër të projektit të Bashkimit Evropian, “Përparimi i grave në ndërtimin e kapaciteteve biznesore” janë formuar dhjetëra shoqata të grave afariste në komuna të ndryshme të Serbisë.
Inkuadrimi i tyre në biznes vlerësohet si një parakusht i domosdoshëm për integrime në rrjedhat Evropiane./Titulli.com/
Mund ti tregoni shoqërisë për këtë artikull!
