Gjina Zeqiri: Kosova s'ka nevojë të interesohet për mua se a punoj në Beograd, Bujanoc a dreq! (Video)
Doktoreshës Gjina Zeqiri mund t’i kushtojë braktisja e qytetarëve, të cilëve ua shkëputi shpresën për t’u bërë me trashëgimtarë, raporton KTV.
Inspektorati shëndetësor, pas inspektimeve që ka bërë, ka rekomanduar bordin për licencim të profesionistëve shëndetësorë që të shqyrtojë licencën e saj, pasi janë vërtetuar se ajo ka bërë shkelje të shumta, derisa spitalit që ajo drejtoi i është pezulluar licenca.
Por, Zeqiri, që i mohon të gjitha këto, veprimtarinë e saj të njëjtë po e ushtron në Bujanoc, ndërsa ka akuzuar mediat se nuk janë korrekte ndaj saj.
Zeqirit i ishte mbyllur veprimtaria e njëjtë edhe në vitin 2008 për të njëjtat arsye, përcjell koha.net. Edhe në atë kohë ajo kishte ikur në Serbi, por më vonë e hapi spitalin sërish i cili përfundimisht u mbyll në nëntor të vitit të kaluar.
E pyetur për Bujanocin, ku po ushtron të njëjtën veprimtari, Zeqiri reagon: “Kosovës s’ka nevojë me interesu mo për mu, hiç kurrkund, a po punoj Beograd, Bujanoc a dreq, juve nuk ju intereson”!
