FSSHK kërkon nga Qeveria e Kosovës t’i lejohet monitorimi i COVID-19 në Luginën e Preshevës
Lokale

FSSHK kërkon nga Qeveria e Kosovës t’i lejohet monitorimi i COVID-19 në Luginën e Preshevës

14.May.2020 10:57
0

Federata e Sindikatave të Shëndetësisë së Kosovës (FSSHK) është shprehur e interesuar që pjesëtarë të saj të shkojnë për të ndihmuar shqiptarët në Luginë të Preshevës, rreth parandalimit të pandemisë së koronavirusit të ri.

Kryetari i FSSHK-së, Blerim Syla ka kërkuar nga kryeministrit në detyrë, Albin Kurti, ministri i Shëndetësisë, Arben Vita dhe ministri i punëve të Jashtme, Glauk Konjufca, që të mundësohet një vizitë monitoruese në Preshevë, Medvegjë dhe Bujanoc.

Në letrën e drejtuar Kurtit, Vitisë dhe Konjufcës, Syla thotë se vizita në Luginë të Preshevës do të kishte për qëllim, njohjen nga afër me gjendjen e qytetarëve shqiptarë gjatë pandeminë COVID-19, sëmundjes që e shkakton koronavirusi i ri.

“Ne dëshirojmë të njoftohemi nga dora e parë se a janë testuar dhe si po menaxhohet situata atje. Po ashtu, ofrojmë edhe ndihmën tonë profesionale, në koordinim të plotë me udhëzimet dhe rekomandimet e Institutit Kombëtar të Shëndetësisë Publike të Kosovës”, thuhet në letrën e Sylës.

FSSHK përmend si argument edhe ardhjen e punëtorëve shëndetësor nga Serbia në Kosovë për të monitoruar situatën në komunat e banuara kryesisht me serbë.

Ditë më parë, Qeveria e Kosovës ndau 500 mijë euro për Luginën e Preshevës, si mbështetje financiare për përballimin e gjendjes së krijuar nga pandemia e koronavirusit të ri.

Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration