Farush Islami zgjidhet avokat i ri i komunës së Bujanocit

Farush Islami, ish kryeshef i komunës së Bujanocit gjatë vitit 2008-2012 është zgjedhur avokat i vetqeverisjes lokale të komunës së Bujanocit.

Kështu është vendosur në mbledhjen e 12 të këshillit komunal dhe ai këtë pozitë e trashëgon nga avokati i deri tanishëm Radomir Ristiq i emëruar nga vitit 1993.

Farush Islami është jurist i diplomuar me një përvojë të mjaftueshme në institucione publike, tani ishte i angazhuar në likuidimin e ndërmarrjes publike “Drejtorati për Ndërtim”, shkruan Titulli.com.

Islami ka qenë i angazhuar edhe në sektorin civil në komunën e Bujanocit përmes projekteve të ndryshme dhe vjen nga Partia për Veprim Demokratik.

Mandati i tij zgjatë 5 vite dhe do të jetë i angazhuar në mbrotjen e interesave të administratës së komunës së Bujanocit.

Në konkursin e shpallur ishte kandidatë edhe Merlinda Murati por që nuk ka plotësuar kushtet sipas komisionit për zgjedhjen e avokatit të komunës./Titulli.com/