Intervista
Ekskluzive: Gazetari i "Blic-it" sqaron të vërtetat e shkrimit për Tërnocin
Në fshatin Tërnoc të komunës së Bujanocit u mbajt një peticion si dhe një protestë në pakënaqësi të reportazhit të 15 korrikut të botuar në gazetën e përditshme “Blic” të Beogradit.
Ky artikull i cili në qendër kishte fshatin Tërnoc, duke e quajtur një fshat që gjithnjë ka drogë 1,5 tonë si dhe xhandarmëria nuk mund të kalojë në te, ka nevrikosur banorët.
Titulli.com ka realizuar një intervistë ekskluzive me autorin e këtij reportazhi duke kërkuar sqarime rreth këtyre të dhënave të cilat i mohuan si banorët njashtu edhe udhëheqësia e këtij fshati.
Gazetari nga Vranja, Radoman Iriq, korrespodent i gazetës “Blic”, në këtë intervistë sqaron të verëtetat të cilat ai nuk i kishte shkruar, por të cilat i kishte shtuar redaksia në Beograd.
Më posht mund të lexoni intervistën e plotë:
Radoman Iriq:
[caption id="attachment_80975" align="alignleft" width="300"]
Radoman Iriq[/caption]
Me dëshirë i përgjigjem pyetjeve tuaja të parashtruara. Më vjen mirë që redaksia e “Titullit” jeni ngritur mbi pjesën tjetër të kolegëve shqiptar duke kërkuar nga unë informacione shtesë rreth reportazhit të gazetës “Blic”. Kjo flet për profesionalizmin tuaj, respektivisht ndaj punës me të cilën ju merreni. Nga zemra ju dëshirojë që kështu të vazhdoni.
Me këtë të nderuar kolegë do të shlyejmë atë ndarje në mes të mediave dhe gazetarëve. Pasi nuk ekzistojnë media shqiptare dhe serbe,apo gazetari etnike apo multietnike. Në mes të gazetarëve dhe mediave ekziston vetëm një ndarje: në profesionale dhe në atë jo profesionale.
Së dyti, është njerëzore të pranohet të gjitha ato mendime të cilat nuk përputhen me ato të dhëna që janë në reportazh. Çfarë do të kishte ndodhur sikur për gjithçka të mendonim në të njëjtën mënyrë. Do të ishte e dëmshme për të gjithë.
Mirëpo, në këtë kontekst i dëshirojë lexuesve tuaj të them dy të dhëna të rëndësishme:
- Asnjë medium si RTV B92 në të cilën jam korrespodent që 15 vite, nuk ka kontribuar më shumë në afirmimin dhe promovimin e ideve të bashkësive në jug të Serbisë, idesë së paqes, sigurisë dhe tolerancës në këto hapësira.
- Për këto 15 vite nuk kamë përjetuar nga ndonjë lider shqiptar refuzimin që të jetë bashkëbisedues. Në të njëjtën kohë, asnjëherë, asnjërin prej tyre nuk e kam shkurtuar në atë që kanë dashur ta thonë. Me ndërmjetësimin tim, gjithnjë kanë mundur që mediave serbe t’ia paraqesin qëndrimet e tyre.
Para se t’i përgjigjem pyetjeve, edhe një informacion që do të ndihmojë në kuptimin më të mirë: Për botimin e fundjavës të gazetës “Blic” redaksia nga unë ka kërkuar një reportazh me titull “Si jetohet në Tërnocin e Madh”, e kam shkruar dhe ia kam vendosë titullin “NJË TREGIM MBI TËRNOCIN E MADH” dhe ia kam dërguar redaksisë së bashku me katër fotografi. Shkrimi ka qenë pa mbititull dhe nëntitull.
Në tekst në mënyrë absolute nuk e kam përmendur Xhandarmërinë. Tjetër, në kontekst kam shkruar rreth asaj se çfarë shkruan në librin e publicistit dhe shkrimtarit Borko Gvogjenoviq, “Shenjat deri në Stamboll” (Trag do Istambula).
Për habi timen, të dielën reportazhi është botuar me mbititull, titull dhe nëntitull të cilat nuk i kam shkruar unë.
E dëshmojë se për këtë as që jam konsultuar. Gjithashtu, të katër fotografitë e botuara me shkrimin nuk janë ato që unë i kam dërguar!
Duke mos pritë as sharje apo duartrokitje, për këtë, në të njëjtën mënyrë, kam njoftuar Zyrën për media të Misionit të OSBE-së në Beograd.
Titulli: Si ndiheni pas reagimit të Bashkësisë Lokale në Tërnoc dhe banorëve të saj në lidhje me reportazhin e botuar në gazetën “Blic”, autor i së cilës jeni ju?
Radoman Iriq: Ndjehem si gjithherë. Si gazetarë profesionist në skenën shqiptaro-serbe në mënyrë intensive e përcjell nga viti 1985. Deri më sot shumëçka di rreth marrëdhënieve tona sa që asgjë nuk mundet të më befasojë. Bile do të jem edhe më i fortë: nuk ia jap të drejtën asnjë gazetari serb që të njohë më mirë këtë materie se sa unë.
Së dyti, nëse përjashtojmë redaktimin nga redaksia rreth xhandarmërisë, në pjesën tjetër të reportazhit banorët e Tërnocit nuk kanë lexuar asgjë tjetër që ishte e re.
Të gjitha të dhënat nga reportazhi janë të njohura mirë për shqiptarët dhe serbët në Bujanoc.
Ajo që nuk i pëlqen banorëve të Tërnocit, por edhe kryetarit të Bashkësisë Lokale, zotri Halitit, të cilin e vlerësoj shumë, janë të dhënat rreth rrymës.
Të nderuar zotërinj, sipas të dhënave të “Elektrodistribucionit” në Vranjë, secili pronar që ka të lajmëruar orën në Tërnoc, mesatarisht për rrymë ka borxh rreth 100.000 dinarë, ndërsa i tërë fshati 102 milion dinarë.
Përveç kësaj të njëjtit harxhues 2/3 vjedhin rrymën. Në mesin e atyre që vjedhin rrymën është edhe një zyrtar i lartë i një partie politike. Ai ka qenë aq i fortë sa që i është drejtuar një organizate ndërkombëtare me emër për t’a mbrojtur.
Tani i ka ardh fundi. Do të më lejoni të them se nuk është në rregull që banorit të fshatit Rakoc të shkyçet rryma për 5.000 dinarë borxh, kurse punëtorët e distribucionit këtë të mos munden ta bëjnë me harxhuesit nga Tërnoci të cilët kanë borxh mbi 100.000 dinarë.
Titulli: Reagimi ishte rreth drogës 1.5 tonë dhe xhandarmërisë, që siç thuhet nuk mund të hyjë në këtë fshat, që sipas autoriteteve në Tërnoc nuk është e saktë?
Radoman Iriq: Vetëm se e thash, këto nuk janë qëndrimet e mia. Drogën e kam përmendur në kontekst të autorit Gvozgjenoviq dhe librit të tij. Megjithatë, zotërinj të nderuar, kur në Serbi sot përmendet Tërnoci i Madh, asociimi i parë është – droga.
Prisni atëherë, a jam unë fajtorë për këtë, apo qytetarët e Tërnocit? Ndërsa për sasinë aty janë ofertuesit.
Sa i përket Xhandarmërisë, thashë se ky informacion është shtuar në reportazh. Këtë edhe unë ua dëshmojë se nuk është e saktë. Për këtë në detaje e kam njoftuar OSBE-në.
Titulli: Kryetari i BL Agim Haliti tha në protestë se gjatë javës së ardhshme do të ngritet një padi gjyqësore ndaj gazetës “Blic” dhe gazetarit. Sa mendoni se ka vend për padi?
Radoman Iriq:
Sa më përket mua, si një gazetarë i pavarur dhe profesional, do të isha i nderuar që të më ngris padi Bashkësia Lokale. Padia, dhe më pas procesi gjyqësor, do të ndihmoj që shumë gjëra të dalin në sipërfaqe, gjë e cila mua dhe sensibilizimit tim profesionalist vetëm do t’i ndihmonte. Pra, shkrimi i “Blicit” do të shkaktojë një ortekë të temave tjera, që duhet të pranoni, Tërnoci i Madh është një minierë e vërtetë. Këto tema nuk do të kisha dashtë t’i hapi këtu.
Mirëpo, shtrohet pyetja, çka do të fitonte fshati Tërnoc i Madh, qytetarët e këtij fshati, kryetari i Bashkësisë Lokale dhe të gjithë Shqiptarët në Bujanoc?
Për të gjithë ky do të ishte një turp i madh. Vetëm se po shoh një numër të tabloideve që do të garonin se cili do të “pështyjë” më shumë mbi Tërnocin.
Kjo do të ishte një shuplakë drejt reputacionit të komunës tek ndërkombëtarët dhe luftës së qeverisjes lokale për të sjellë investitorë të huaj.
Titulli: A do tërhiqen këto të dhëna rreth drogës dhe Xhandarmërisë duke i demantuar ato, pasi në të kundërtën Haliti ka paralajmëruar ngritjen e padisë?
Radoman Iriq: Kjo është si të thuash: është zbrazë një valixhe me pendla. Ato nuk munden me të mblidhen. Pra, tërheqja e qëndrimeve të shkruara, demantimi, polemikat dhe përgjigjet, Tërnocit dhe Bujanocit nuk do t’i japin rezultatin e dëshiruar.
Me zellin që kemi, le të bëjmë një reportazh rreth zonës industriale në Bujanoc dhe në këtë mënyrë të ftojmë donatorët vendorë dhe investitorët e huaj që të ndërtojnë me kapacitetet e tyre dhe të hapin vende të reja të punës./Titulli.com/
Mund ti tregoni shoqërisë për këtë artikull!
Radoman Iriq[/caption]
Me dëshirë i përgjigjem pyetjeve tuaja të parashtruara. Më vjen mirë që redaksia e “Titullit” jeni ngritur mbi pjesën tjetër të kolegëve shqiptar duke kërkuar nga unë informacione shtesë rreth reportazhit të gazetës “Blic”. Kjo flet për profesionalizmin tuaj, respektivisht ndaj punës me të cilën ju merreni. Nga zemra ju dëshirojë që kështu të vazhdoni.
Me këtë të nderuar kolegë do të shlyejmë atë ndarje në mes të mediave dhe gazetarëve. Pasi nuk ekzistojnë media shqiptare dhe serbe,apo gazetari etnike apo multietnike. Në mes të gazetarëve dhe mediave ekziston vetëm një ndarje: në profesionale dhe në atë jo profesionale.
Së dyti, është njerëzore të pranohet të gjitha ato mendime të cilat nuk përputhen me ato të dhëna që janë në reportazh. Çfarë do të kishte ndodhur sikur për gjithçka të mendonim në të njëjtën mënyrë. Do të ishte e dëmshme për të gjithë.
Mirëpo, në këtë kontekst i dëshirojë lexuesve tuaj të them dy të dhëna të rëndësishme:
