Derisa mirëpret masën e vendosur nga Qeveria e Kosovës, Sylejmani thotë se nuk ka nevojë për lehtësira ose kompensim karshi kësaj mase. 

Për dallim nga ai, një tjetër qytetar thotë se lehtësimet për shqiptarët që jetojnë në Serbi janë të domosdoshme.

Si rezultat i masës së vendosur, qytetarët që kanë kaluar në këtë pikë kufitare thonë të kenë pritur deri në një orë.

Pritje në kolona janë vërejtur edhe te Dheu i Bardhë derisa nuk është raportuar për ndonjë incident.

Kryeministri Albin Kurti të mërkurën ka premtuar se do të lehtësojnë procedurat për shqiptarët në Serbi, por që nuk ka treguar se si do të bëhet një gjë e tillë.

Që nga viti 2011, kur është nënshkruar marrëveshja për targat, qytetarët e Kosovës, të cilët kanë shkuar në Serbi, është dashur që të pajiseshin me targa të përkohshme.