Lokale
Diaspora: Mos e lëvizni lapidarin
Pas protestës së sotme në Bernë të Zvicrës edhe një organizatë nga diaspora del në përkrahje të shqiptarëve të Luginës duke qenë pro vendimit për të mos zhvendosur Lapidarin nga sheshi i Preshevës
Përmes një komunikate që ka arrit në adresë të mediumit tonë, “Fondi Humanitarë i Kosovës Lindore” pas mbledhjes së mbajtur sot, del në mbështetje të vendimit të tre Kuvendeve me përfaqësuesit shqiptarë.
“Ky fond me seli në Cyrih të Zvicrës ndanë mendim të njëjtë me këshilltarët shqiptarë të tre Kuvendeve të Luginës për të mos zhvendosur Lapidarin e Dëshmorëve në Preshevë”, thuhet në komunikatën e nënshkruar nga kryetari Xhelal Memeti.
Duhet theksuar se “Fondi Humanitarë i Kosovës Lindore” në aktivitetin e fundit të saj në Luginë, në 100 Vjetorin e Pavarësisë së Shqipërisë, ka ndarë nga 100 franga zvicerane për 100 studentë të Preshevës, Bujanocit dhe Medvegjës./Titulli.com/
Mund ti tregoni shoqërisë për këtë artikull!
