Deputetja e Kosovës: PVD e vetme fitonte 2 deputet, pesha e tyre në kuvendin e Serbisë zero?

Ganimete Musliu, deputete në parlamentin e Kosovës nga radhët e Partisë Demokratike të Kosovës lidhur me përfaqësimin e shqiptarëve me dy deputet në kuvendin e Serbisë është shprehur se pesha e tyre në një Kuvend me përbërje 61% ultranacionalist serb është zero. 

Ky është postimi i saj i plotë: 

SHUMË ZHURMË PËR ASGJË

Shqiptaret paskan fituar dy deputet ne Kuvendin e Serbisë dhe qenka bërë nami.
Çka pritet prej një Beogradi i cili nuk njeh gjuhën shqipe, flamurin e shqiptarëve, identitetin e shqiptarëve, të drejtën e zhvillimit të mirfillt të arsimit shqip, zhvillimit ekonomik.

Kosova Lindore prej zgjedhjeve të para parlamentare të vitit 1990 deri më tani në përbërje të Parlamentit Serb kishte përfaqësuesit e vet edhe atë:
- në zgjedhjet e vitit 1990 - një deputet.
- në zgjedhjet e vitit 1993 – dy deputet.
- në zgjedhjet e vitit 1997 – një deputet.
- në zgjedhjet e vitit 2007 – një deputet.
- në zgjedhjet e vitit 2008 – një deputet.
- në zgjedhjet e vitit 2012 – një deputet.
- në zgjedhjet e vitit 2014 – dy deputet.
- në zgjedhjet e vitit 2016- një
Mos harroni këto vende i fitonte vetëm PVD-ja.

Tani qe u bë “bashkimi i shqiptarëve” fituan prapë as më shumë e as me pak se dy deputetë.

Dhe pyetja ime konkrete për Gent Cakajn dhe te gjithë ata që u ekzaltuan nga “bashkimi i shqiptarëve” është: Ku janë Shqiptarët e Kosovës Lindore??? Dikur vetëm PVD i fitonte dy deputet tash te gjithë bashkë dy deputet.

A po zbrazet Kosova Lindore? A kemi strategji e planë kombëtar ta ndalojmë zbrazjen e Kosovës Lindore nga shqiptarët??? Mendoj se këtu duhet të përqendrohet vëmendja jonë sepse pak ka rëndësi a i fituan dy apo katër deputet.
Pesha e tyre ne një Kuvend me përbërje 61% ultranacionalist serb është zero.