Delegacioni i Kosovës në mbështetje të Këshillit Kombëtar Shqiptar (video)

Në Këshillin Kombëtar Shqiptar në Bujanoc është pritur një delegacion i deputetëve të Kuvendit të Kosovës, gjegjësisht komisioni për arsim, shkencë, teknologji, kulturë, rini, sport, inovacion dhe ndërmarrësi si  dhe komisioni për administratë publike, qeverisje lokale dhe media pranë kuvendit të Republikës së Kosovës. 

Në këtë takim u diskutuan shumë çështje, në fokus të së cilës ishin sfidat në arsim, kërkesë për mbështetje institucionale, pajisjen me dokumente të shqiptarëve të Luginës së Preshevës që jetojnë dhe veprojnë në Republikën e Kosovës, mbështetje në fushat  të cilat janë edhe  kompetencë e këtyre komisioneve dhe KKSH-së./Titulli.com/