Debate në Këshillin Komunal për “tatimin” dhe “zonat” në komunën e Bujanocit
Lugina

Debate në Këshillin Komunal për “tatimin” dhe “zonat” në komunën e Bujanocit

02.Dec.2019 13:26
0

 Sot është mbajtur mbledhja e 24 me radhë e Këshillit Komunal të komunës së Bujanocit, këshilltarët për shqyrtim dhe aprovim kishin gjithësejt 14 pika. E veçanta e kësaj mbledhje ndër të tjera ishte edhe pika e parë: Propozim Vendimi mbi caktimin e çmimeve të metrit katror të paluajtshmërive të caktuara për caktimin e tatimit në pasuri për vitin në territorin 2020 në Territorin e komunës së Bujanocit.

 Propozimi në fjalë u soll nga drejtori i drejtoratit të administratës tatimore lokale, Zyqefli Sherifi i cili para këshilltarëve tha se propozimi i sjell nga ai nuk krospodon me vendimin i cili është marrë kohë më parë për ndarjen e zonave. Por kryetari  i komunës, Shaip Kamberi kërkoi që propozimi të sillet në mbledhjen e ardhëshme në Këshill komunal dhe të krospodojë me vendimin e javëve më parë i cili ka kaluar edhe në Kuvend dhe jo anasjelltas shkruan Titulli.com.

 Sherifi tha se propozimi në fjalë është sipas tij në kundërshtim me vendimin e më hershëm për ndarjen e zonave.

 “Ky propozim vendim sipas ligjit në fuqi është dashur, ku data e fundit ka qenë 30 nëntor me dal në fletore zyrtare. Ne si drejtorat e kemi dorëzu në sekretariatin e Këshillit Komunal më datë 5 nëntor. Ky vendim nuk përputhet me vendimin të cilin ju si aëtarë e Këshillit Komunal e keni votu para dy javëve apo tre javëve për ndarjen e zonave. Për shkak se ëështë dhënë një propozim dhe është ndërruar zonat mirëpo nuk janë ndrru me qenë të zbatueshme në programin të cilin e përdormi na. Në bazë të kësaj në vitin e ardhëshëm obliguesit tatimor të komunës së Bujanocit nuk mund të i tatimojmë. Ju si anëtarë të Këshillit Komunal e keni votu pa pas asnjë sqarim, nuk është faji juaj. Nëse votohet kjo është në kundërshtim me atë që është votuar më herët”, tha Zyqefli Sherifi, drejtor i drejtoratit të administratës tatimore lokale.

 Ndërkaq kryetari i komunës së Bujanocit, Shaip Kamberi tha se vendimet e më hershme që kanë kaluar në Kuvend nuk duhet të ju përshtaten propozimit në fjalë, por propozimi duhet të iu përshtatet vendimit të Kuvendit.

 “30 nëntori ka qenë e shtunë, procedura administrative jurispodencë në Serbi dita e fundit e afatit të caktuar bie ditë vikendi, shtyhet për ditën e parë të ardhshme. Sot është dita e parë e punës pas 30-it sot kjo është në rend dite. Çështja tjetër është vendimi i kaluar të cilin po e konteston është i Kuvendit. Është aprovuar në Kuvend dhe gjitha vendimet e tjera duhet të i përshtaten atij vendimi dhe jo ai i Kuvendit me ju përshatë këtij vendimi. Ky vendim është dashur të harmonizohet me vendimin që ka Kuvendi. Tash ju e sillni një propozim që thoni mos e aprovoni, e pa precedent që një kryeshef e paraqet në rend dite dhe del me sugjerimin mos e aparovoni. Pse nuk është harmonizuar me vendimin e më hershëm edhe dilni në media me deklarata pa i diskutuar, ose se si të eliminohen problemet”, tha Kamberi.

 Ndërsa Amir Xhaferi, kryeshef i drejtoratit për urbanizëm deklaroi se nuk është e mundur që të gjithë të paguajnë njësoj tatim dhe për ktë kemi edhe zonifikimin e komunës së Bujanocit.            

 “Projektimi i zonave është bërë në një nga shtëpitë e licencuara dhe nevoja ishte që të ndahet në më shumë se dy zona sa kishim, e kjo me qëllim sepse nuk mund të paguajnë njëjtë qytetarët të cilët jetojnë në qendër të qytetit dhe ata në skaj të qytetit. Më herët u tha se nuk kemi pasur takim me drejtorin e drejtoratit të administratës tatimore lokale në Bujanoc, ne kemi pasur dy apo tre takime dhe zonat janë ndarë mu siç është kjëkruar sipas rrugëve”, tha Xhaferi shkruan Titulli.com  

 

 

 

 

 

Zyrtari serb: Një dimër i nxehtë po na pret me Kosovën
Gjermania ofron sërish ndihmë nëpërmjet strukturave të BE-së
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration