Cakaj takohet me Grenell: S’ka marrëveshje të fshehtë, as plane për ndarje të Kosovës
Lokale

Cakaj takohet me Grenell: S’ka marrëveshje të fshehtë, as plane për ndarje të Kosovës

26.Jun.2020 21:02
0

Ministri në detyrë i punëve të Jashtme të Shqipërisë, Gent Cakaj është takuar me ambasadorin Richard Grenell, me të cilin bisedoi për marrëveshjen mes Kosovës e Serbisë, ku sipas Cakajt nuk ka marrëveshje të fshehtë, as plane për ndarje të Kosovës e as nxitim për marrëveshje të dëmshme.

Kështu bëri të ditur vet Cakaj përmes një postimi në Facebook, ku ndër të tjera theksoi se me Grenell ka biseduar edhe për nxitjen e zhvillimit ekonomik në Ballkanin Perëndimor.

 

“Sot në Shtëpinë e Bardhë në Uashington patëm një takim të shkëlqyer me Ambasadorin Richard Grenell. Biseduam për rëndësinë e një marrëveshje të qëndrueshme mes Republikës së Kosovës e Serbisë dhe nxitjes së zhvillimit ekonomik në Ballkanin Perëndimor në përgjithësi”, shkruan Cakaj.

“Për sqarim: S’ka marrëveshje të fshehtë, as plane për ndarje të Republikës së Kosovës, as shkëmbime territoriale, as nxitim për ndonjë marrëveshje të dëmshme, veç përpjekje për të nxitur zhvillim ekonomik e forcuar popullin e Republikës së Kosovës ndërkombëtarisht me mbështetjen e Shteteve të Bashkuara të Amerikës”, thotë më tej Cakaj.

Ai theksoi se pavarësisht sfidave, Shqipëria do të vazhdojë mbështetjen e pakursyer për Republikën e Kosovës.

Bien çmimet e veturave diesel në Gjermani, kushtojnë deri në 1000 euro
Memorandum i “mirëkuptimit në arsim” mes Tiranës e Beogradit
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration