Buxheti për shkollat në komunë të Bujanoci realizohet, prioritet digjitalizimi (statistika)

Në territorin e komunës së Bujanocit funskionojnë 10 shkolla fillore si dhe 2 shkolla të mesme në gjuhën shqipe dhe atë serbe ndërsa përmes drejtorisë për arsim për vitin 2017 buxheti prej 61.5 milion dinarëve është realizuar në tërësi.

Driton Rexhepi,  drejtori i drejtorisë për arsim në komunën e Bujanocit për Titulli.com deklaroi se i përgjigjen kërkesave të shkollave në mënyrë direkte për kërkesat e tyre në infrastrukturë dhe shpenzime tjera të brendshme.

“Vetadministrimi lokal çdo vit ka tendencë të rrisë buxhetin e shkollave në territor të komunës së Bujanocit edhe atë në vitin e kaluar janë ndarë 61.5 milion dinarë për nevojat e arsimit fillorë dhe të mesëm, rritje kjo me një milion dinarë prej vitit 2016” u shpreh Rexhepi transmeton Titulli.com.

Në vazhdim Rexhepi shtoi se pushteti lokal nuk i drafton prioritetet e shkollave por se ajo i përgjigjet kërkesave të shkollave në mënyrë direkte dhe indirekte.

“ Ne nuk i i draftojmë prioritetet e shkollave por i përgjigjemi kërkesave të tyre në mënyrë financiare, 61.5 milion është buxheti i ndarë direkt i cili nuk përfshinë edhe investimet indirekte që realizohen përmes drejtorive tjera, si ajo e zyrës për zhvillim ekonomik lokal e cila ka arritur të siguroj mjete në vlerë prej 200 milion dinarëve për ndërtimin e sallës së edukatës fizike në shkollën e Tërnocit dhe Bilacit” potencoi Rexhepi, shkruan Titulli.com.

Si prioritet Rexhepi tregoj se është digjitalizimi i shkollave pasi që kjo është nevojë e kohës.

“Sigurimi i tabelave smart është pilot projekt që po realizohet nëpër shkollat e territorit të komunës së Bujanocit, e që vitin tjetër do duhet të fillojnë gjitha shkollat me ditarët elektronik ku prindërit mund të ndjekin suksesin dhe vërejtjet e nxënësve në formë elektronike” u shpreh .

Realizimi i buxhetit për të gjitha shkollat në territorin e komunës së Bujanocit për vitin 2017 është 99.45 përqind kurse në bazë të shkollave si njësi ajo varion.

Realizimi i buxhetit për shkollat fillore në bazë të njësive është: