Bursa i ndan mirënjohje Musliut (Foto)
Kryetari Këshillit Kombëtar Shqiptar (KKSH), Jonuz Musliu sot ka pranuar mirënjohjen nga kryetari i shoqërisë kulturoro-artistike "Nakem" nga Bursa e Turqisë, Emir Pehlivan.Mirënjohja iu është ndarë me rastin e organizimit të 10 të Festivalit Ndëkombëtar Ballkanik të folklorit në Bursa të cilën ia dorëzoi drejtori i SHKA “Jehona” Abdurrahman Murati.
Në këtë Festival ka performuar me valle popullore tradicionale SHKA “Jehona” e mbështetur nga KKSH-ë në mesin e pjesëmarrësve të shoqërive kulturoro-artiske nga Shqipëria, Bosnja dhe Hercegovina, Bullgaria, Kroacia, Mali i Zi, Kosova, Maqedonia, Rumania, Sllovenia dhe Qiproja Veriore.
Kryetari Musliu me rastin mbajtjes së Festivalit jubilar Ndëkombëtar Ballkanik të folklorit ka vizituar Bursan dhe ka zhvilluar një sërë takimesh me zyrtar të ndryshëm rreth ngritjes së bashkëpunimit dhe shkëmbimit të përvojave kulturore i përcjellur nga drejtori i festivalit Osman Dikmen. /Titulli.com/
