Bujanoci i shqiptarëve: Kjo është përgjigjja e Vuçiqit?

Duke nisur një fushatë popullore, presidenti i Serbisë Aleksandër Vuçiç është ndalur në Jug të vendit, ku ka përjashtuar mundësinë që Bujanoci t’i kalojë shqiptarëve. Duke komentuar zërat për një lëvizje të tillë, Vuçiç i ka quajtur ato “qesharake”.

“E ardhmja e Serbisë”, në këtë fushatë është nisur ta kërkoj përgjigjen në takim me popullin në vizita në tërë vendin. Presidenti serb, Alleksandar Vuçiç, është nisur drejt jugut dhe në një nga vendet ku ka ndaluar ka qenë Bujanoci, ku jetojnë shqiptarët dhe serbët.

Në një kafene të vogël ka biseduar me disa qytetarë, të tjerët ngelën jashtë. Aty ka pyetur për të gjitha fabrikat e mbyllura me dry dhe mundësi për rimëkëmbjen e shtetit që prej vitesh ishte gjunjëzuar në luftë. Vuçiç u tha qytetarëve se nuk duhet të brengosen pasi shteti është me ta.

Shqiptarët nuk treguan interesim për arritjen e presidentit në qytetin e tyre ndërsa nga Këshilli Kombëtar Shqiptarë thonë se nuk janë informuar për takimin, por nuk kanë pritje.

Edhe serbët që dolën për ta pritur presidentin që kishte ardhur nga Beogradi, mendojnë se problem është ekonomia. Pyetjet e shumta nuk arritën t’ia drejtojnë, por një pjesë e tyre besojnë se nëse dikush mund të zgjidh problemet./abcnesw/