Brnabiq për formimin e qeverisë së re: Me gjasë do të përsëriten zgjedhje në Tërnoc të Madh?
Kryeministrja e Serbisë dhe nënkryetarja e Partisë Përparimtare Serbe (SNS), Ana Brnabiq tha të enjten se zgjedhjet në Tërnoc të Madh me gjasë do të përsëriten, kështu që Presidenti i Republikës nuk do të mund të fillojë konsultimet për formimin e qeverisë së re para fillimit të korrikut megjithëse zgjedhjet parlamentare ishin më 3 prill.
Ajo ka theksuar se SNS, siç ka thënë më herët presidenti i Serbisë, Aleksandar Vuçiq, dëshiron që qeveria të formohet deri në fund të korrikut.
Pas seancës së Kryesisë së SNS-së, ajo vuri në dukje se, për fat të keq, në kohë krize për të gjithë botën e shkaktuar nga kriza energjetike dhe lufta në Ukrainë dhe inflacioni i importuar, tregoi se si duket kur duan njerëzit "të papërgjegjshëm dhe joserioz" për të negociuar disa kushte zgjedhore pa menduar paraprakisht se si do të ndikojë në përfundimin e zgjedhjeve.
“Tani keni pafund ankesa dhe procesi zgjedhor, me të cilin SNS nuk ka lidhje. Ne as nuk jemi ankuar dhe as nuk kemi marrë pjesë në këtë dhe nuk mund t'i përfundojmë aktivitetet zgjedhore, e as presidenti i Republikës nuk mund të hyjë në konsultime me partitë politike parlamentare për formimin e Qeverisë”, sqaroi Brnabiq.
