Bllokimi i librave në Luginë, Kosova vendos reciprocitet ndaj Serbisë
Bllokimi i librave në gjuhën shqipe për nxënëst shqiptarë të shkollave fillore të Luginës nga Serbia, ka shtyrë palën kosovare që të vënë masa reciprociteti në prurjen e librave në gjuhen serbe në Kosovë.Çështja e librave ishte trajtuar edhe në Bruksel nga pala serbe dhe ajo kosovare me ndërmjetësimin e Brukselit dhe pala serbe ishte zotuar për një zgjidhje brenda dy dite.
Por edhe pse ka kaluar më shumë se një javë që nga zotimi i palës serbe, kjo e fundit ka vazhduar t’i mbaj peng librat me arsyetimin se duhet rishikuar përmbajtja e tyre.
Bllokimi i librave në terminalin doganor në Serbi, përveç që ka lënë nxënësit shqiptar pa tekste shkollore që një muaj e gjysmë, ajo po i shkakton dëme edhe buxhetit të Kosovës, për të paguar qëndrimin brenda terminalit, raporton Tribuna.
Zenun Halili, këshilltari i lartë i ministrit të Arsimit, Arsim Bajramit, për Tribuna Channel tha se ne e kemi informuar Serbinë për masat e reciprocitetit të vëna ndaj saj, në lidhje me ndalimin e librave. /Titulli.com/
