Lokale
Beqiri: Shqiptarët e Luginës të përfshihen në procesin e bisedimeve
Kryetari i Këshillit Kombëtar Shqiptarë, Galip Beqiri, në një intervistë për RTK-në, ka thënë se shqiptarët e Luginës janë përcaktuar për respektim të parimit të proporcionalitetit me serbët e Kosovës, ndërkohë që nëse vijën në shprehje përfshirja e këtyre të fundit në procesin e bisedimeve në mes Prishtinës e Beogradit, ai ka kërkuar përfshirjen edhe të përfaqësuesve të shqiptarëve të Luginës në këtë proces, transmeton PreshevaNews.
Shqiptarët e Luginës së Preshevës kanë një varg problemesh ndaj përfshirja e tyre në procesin e dialogut të paralajmëruar në mes të Kosovës e Serbisë, do të ishte e domosdoshme, sidomos tani kur kërkesën për përfshirje në këtë proces e kanë parashtruar edhe serbët që jetojnë në Kosovë, është shprehur Beqiri.
I pari i KNSh-së, nga Qevritë e Tiranës dhe asaj të Prishtinës, ka kërkuar që të paraqesin një interesim më të madh për shqiptarët që jetojnë në Serbi, duke pas për bazë se këtu mungojnë të drejtat elementare të njeriut. Tirana por edhe Prishtina zyrtare kanë obligim kombëtar që të mbrojnë interesat e bashkëkombësve që jetojnë jashtë këtyre shteteve e veçanërisht ata që jetojnë në Luginën e Preshevës, ka deklaruar Galip Beqiri./Titulli.com/
Mund ti tregoni shoqërisë për këtë artikull!
