Bashkëluftëtarët i ngrisin pllakë përkujtimore dëshmorëve të Breznicës (foto)
Në Breznicë të komunës së Bujanocit është duke u punuar që dy dëshmorëve të UÇPMB-së Sherif Januzit si dhe Enver Bajramit ti ngritet përmendore në kujtim të veprës së tyre. Varrezat e fshatit Breznicë është vendi ku prehen trupat e dy të rinjve shqiptar të cilët zgjodhën lirin më shumë se gjithçka tjetër.
Gazetari i portali informativ Titulli i ka bë një vizitë varrezave të këtij fshati shqiptar buzë kufirit me Kosovën, nga ka mësuar se aksionin për ndërtimin e pllakave përkujtimore për dy të rënët për liri është marrë nga ish luftëtarët, shokët e dy dëshmorëve, si dhe banorët e fshatit.
Kush ishte Enver Bajrami e Sherif Januzi?
Enver (Rasim) Bajrami ishte 26 vjeç ndërsa shoku i tij i luftës Sherif (Faik) Januzi 24 vjeçar kur ranë heroikisht më 21 prill të vitit 2000, gjatë luftimeve të zhvilluara me forcat serbe.
Të dy pjesëtarët e UÇPMB-së vepronin në zonën operative të Breznicës, brigada 114. Ata u lindën në Breznicë.
Të dy këta dëshmorë shkollën fillore e përfunduan në vendlindje ndërsa të mesmen në Roganë, derisa Sherifi vazhdoi shkollimin e lartë në shkollën pedagogjike “Skënderbeu” në Gjilan.
Sherifi dhe Enveri ishin ndër të parët që iu bashkuan UÇPMB-së. Ata morën pjesë në operacionin “shigjeta” ku të dy ranë heroikisht në Gjergjec të komunës së Bujanocit.
Në nderim të martirëve, brigada 114 më vonë u emërua me emrin e Sherif Januzit e Enver Bajramit./Titulli.com/
